国土部与干拉省政府推动土地服务提速

ឯកឧត្តម **ឈឿន ប៊ុណ្ណារ័ត្ន** រដ្ឋលេខាធិការក្រសួងរៀបចំដែនដី​ នគរូបនីយកម្ម​ និង​សំណង់​ និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល​ បានដឹកនាំកិច្ចប្រជុំ​ ដើម្បីត្រួតពិនិត្យ ជំរុញ និងពន្លឿនការផ្តល់សេវាសុរិយោដី នៅអង្គភាពច្រកចេញ-ចូលតែមួយរបស់រដ្ឋបាលខេត្ត ដោយមានការចូលរួមពីអង្គភាពជំនាញពាក់ព័ន្ធ។ កន្លងមក ការផ្តល់សេវាសុរិយោដីមានដំណើរការល្អប្រសើរ ប៉ុន្តែនៅមានសំណើមួយចំនួនយឺតយ៉ាវលើសពេលកំណត់។​ ដើម្បីពន្លឿនការផ្តល់សេវា ក្រុមការងារក្រសួង រដ្ឋបាលខេត្ត និងអគ្គនាយកដ្ឋានពន្ធដារ បានឯកភាពលើការពង្រឹងសមត្ថភាពមន្ត្រីក្នុងការត្រួតពិនិត្យឯកសារ ពង្រឹងការសម្របសម្រួលរវាងមន្ទីរ ដ.ន.ស.ស និងអង្គភាពច្រកចេញ-ចូលតែមួយ ព្រមទាំងជំរុញការបញ្ចូលទិន្នន័យក្នុងប្រព័ន្ធឌីជីថល ដើម្បីឈានទៅផ្តល់សេវាតាមប្រព័ន្ធអនឡាញពេញលេញ។ ជាមួយគ្នានេះ មន្ទីរ ដ.ន.ស.ស ខេត្ត ត្រូវបន្តផ្តោតលើការងារអាទិភាពចំនួន៣ គឺ **ពង្រឹងការផ្តល់សេវាសាធារណៈតាមប្រព័ន្ធឌីជីថល, ជំរុញការរៀបចំក្រុង ប្លង់គោល និងផែនការប្រើប្រាស់ដីនៅក្រុង-ស្រុកទាំង១៣ និងពង្រឹងការផ្តល់សេវា និងការគ្រប់គ្រងសំណង់ឱ្យស្របតាមបទប្បញ្ញត្តិបច្ចេកទេស**។ #ករសងរៀបចំដែនដីនគរូបនីយកម្មនិងសំណង់ #MLMUPC Join MLMUPC News 🌐 Website 🌐 Facebook 🌐 Youtube 🌐 Tiktok