柬埔寨新闻部征集媒体版权补偿意见 截止日期为8月5日

**ក្រសួងព័ត៌មាន ជម្រុញឱ្យភាគីពាក់ព័ន្ធចូលរួមផ្តល់មតិយោបល់ លើសេចក្តីព្រាង «គោលការណ៍ណែនាំ ស្តីពីការផ្តល់ប្រាក់សំណងសមរម្យសម្រាប់ព័ត៌មាន» របស់ UNESCO** ក្រសួងព័ត៌មាន បានជូនដំណឹងដល់អ្នកសារព័ត៌មាន អង្គភាព និងសមាគមសារព័ត៌មាន ព្រមទាំងអ្នកប្រកបអាជីវកម្មក្នុងវិស័យព័ត៌មាន និងសោតទស្សន៍ អំពីការបើកដំណើរការពិគ្រោះយោបល់ ជាសកលរបស់អង្គការយូណេស្កូ (UNESCO) លើសេចក្តីព្រាង «គោលការណ៍ណែនាំ ស្តីពីការផ្តល់ប្រាក់សំណងសមរម្យសម្រាប់ព័ត៌មាន (Guidance for Fair Compensation for News)»។កិច្ចពិគ្រោះយោបល់នេះ ធ្វើឡើងក្នុង គោលបំណងរៀបចំក្របខណ្ឌធានាថា មាតិកាព័ត៌មានត្រូវបានផ្តល់សំណងយ៉ាងសមរម្យ ក្នុងបរិបទនៃការរីកចម្រើននៃបណ្តាញឌីជីថល (Digital Platforms) និងបញ្ញាសិប្បនិម្មិត (AI) ដើម្បីទ្រទ្រង់និរន្តរភាពប្រព័ន្ធផ្សព្វផ្សាយ ការពារអ្នកសារព័ត៌មាន និងពង្រឹងសុចរិតភាពនៃព័ត៌មាន។ ដើម្បីរួមចំណែកដល់អនាគតនៃវិស័យសារព័ត៌មាន ក្រសួងព័ត៌មានសូមលើកទឹកចិត្តឱ្យភាគីពាក់ព័ន្ធទាំងអស់ ចូលរួមផ្តល់ មតិយោបល់ លើ សេចក្តីព្រាងនេះ តាមរយៈអ៊ីមែល [email protected] ឬតេឡេក្រាមលេខ ០៩៧ ៣១៣ ១៣១៣ ឱ្យបានត្រឹម**ថ្ងៃទី៥ ខែសីហា ឆ្នាំ២០២៦**៕