磅湛省女子澄清网络误传照片 呼吁停止侵权传播

សូមកុំយល់ច្រឡំទៀត នៅថ្ងៃទី១២ ខែសីហា ឆ្នាំ២០២៦ កញ្ញា ស ស៊ីណា ភេទស្រី អាយុ ១៧ ឆ្នាំ រស់នៅភូមិជប់ទី១ ឃុំជប់ ស្រុកត្បូងឃ្មុំ ខេត្តកំពង់ចាម បានចេញវីដេអូបំភ្លឺថា រូបភាពដែលត្រូវបានផ្សព្វផ្សាយកន្លងមក មិនមែនជារូបរបស់ម្ចាស់ហាងនោះទេ ប៉ុន្តែជារូបរបស់កញ្ញាផ្ទាល់។ កញ្ញាបានបញ្ជាក់ថា ដោយសារការយល់ច្រឡំ និងសម្ពាធពីមតិសាធារណៈ កញ្ញាបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលជប់ ដើម្បីបញ្ជាក់ពីភាពស្អាតស្អំ និងការពារសិទ្ធិរបស់ខ្លួន។ ជាមួយគ្នានេះ កញ្ញា ស ស៊ីណា បានសំណូមពរដល់ម្ចាស់ផេក និងអ្នកដែលបានយករូបភាពរបស់កញ្ញាទៅផ្សព្វផ្សាយ សូមមេត្តាលុបរូបភាព និងខ្លឹមសារដែលពាក់ព័ន្ធ ព្រមទាំងជួយចេញការបំភ្លឺជូនមហាជន ដើម្បីកុំឱ្យមានការយល់ច្រឡំ និងប៉ះពាល់ដល់កិត្តិយសរបស់កញ្ញាបន្តទៀត។ ប្រភព៖ ម្ចាស់សាមីខ្លួន (ស ស៊ីណា)