新闻部要求各省市信息部门加强协作 提升官方信息发布效率

[来源: 柬埔寨国家电视台] [分类提示: NEWS] 标题: អ្នកនាំពាក្យ៖ ជំរុញមន្ទីរព័ត៌មានរាជធានី-ខេត្ត ពង្រឹងកិច្ចសហការជាមួយអ្នកសារព័ត៌មាន និងអាជ្ញាធរដើម្បីផ្សព្វផ្សាយព័ត៌មានពិត បង្កើនទំនុកចិត្តពីសាធារណជន ខេត្តតាកែវ៖ នៅព្រឹកថ្ងៃទី១២ ខែមិថុនា ឆ្នាំ២០២៦ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន រួមជាមួយឯកឧត្តម គឹម ហុង អនុរដ្ឋលេខាធិការក្រសួងព័ត៌មាន បានអញ្ជើញដឹកនាំកិច្ចប្រជុំតម្រង់ទិសស្តីពីការងារព័ត៌មាន និងសាធារណមតិ ជូនដល់ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តតាកែវ ដើម្បីពង្រឹងប្រសិទ្ធភាពការងារឱ្យកាន់តែប្រសើរឡើង។ ក្នុងឱកាសនោះ ឯកឧត្តម ទេព អស្នារិទ្ធ បានលើកឡើងថា ការពង្រឹងកិច្ចសហការជាមួយអ្នកសារព័ត៌មានទាំងក្នុងស្ថាប័នរដ្ឋ ឯកជន និងអ្នកផលិតមាតិកាឌីជីថល គឺជាយន្តការដ៏សំខាន់ក្នុងការចាប់យកព័ត៌មានពីមូលដ្ឋាន និងតម្រូវការជាក់ស្តែងរបស់ប្រជាពលរដ្ឋ ដើម្បីឱ្យអាជ្ញាធរខេត្ត និងមន្ត្រីជំនាញអាចដោះស្រាយបានទាន់ពេលវេលា។ ឯកឧត្តមអ្នកនាំពាក្យក្រសួងព័ត៌មាន បានជំរុញឱ្យមន្ទីរព័ត៌មាន បង្កើតបណ្តាញទំនាក់ទំនងជិតស្និទ្ធជាមួយអ្នកសារព័ត៌មាន និងអាជ្ញាធរមូលដ្ឋានគ្រប់ជាន់ថ្នាក់ ដើម្បីធានាថាព័ត៌មានត្រូវបានផ្ដល់ជូនត្រឹមត្រូវ និងទាន់ពេលវេលា។ យន្តការនេះនឹងជួយលុបបំបាត់ការផ្សព្វផ្សាយដែលបង្កឱ្យមានការភាន់ច្រឡំ និងរក្សាសណ្តាប់ធ្នាប់សង្គម។ ជាមួយគ្នានេះ មន្ទីរព័ត៌មានត្រូវដើរតួនាទីយ៉ាងសកម្មក្នុងការផលិតមាតិកាឌីជីថលថ្មីៗ ដែលផ្តោតលើការអភិវឌ្ឍខេត្ត ការយល់ដឹងពីសុខភាព និងការដោះស្រាយកង្វល់នានារបស់ប្រជាពលរដ្ឋក្នុងមូលដ្ឋានឱ្យកាន់តែមានប្រសិទ្ធភាព។ ឯកឧត្តមបានបញ្ជាក់ថា មន្ទីរព័ត៌មានដើរតួជាសេនាធិការជូនរដ្ឋបាលរាជធានី-ខេត្ត។ រាល់ហេតុការណ៍នានា មន្ទីរត្រូវតាមដាន និងរាយការណ៍ជូនថ្នាក់ដឹកនាំរាជធានី-ខេត្ត តាមរយៈអភិបាលរងទទួលបន្ទុក ដើម្បីសុំគោលការណ៍ណែនាំ ឈានទៅការ