金边菩森芷区发生持刀伤人事件 伤者已送医

សង្ស័យរឿងគំនុំ! បុរសម្នាក់ត្រូវយុវជន ២នាក់ ជិះម៉ូតូមកចាក់ដល់កន្លែងស្នាក់នៅ រងរបួសធ្ងន់... បុរសម្នាក់បានរងរបួស បន្ទាប់ពីត្រូវបានយុវជនចំនួន ២នាក់ ជិះម៉ូតូមួយគ្រឿងមកធ្វើសកម្មភាពចាក់នៅកន្លែងស្នាក់នៅរបស់ខ្លួន ខណៈជនសង្ស័យបានគេចខ្លួនបាត់ បង្កការភ្ញាក់ផ្អើលការពីរវេលាម៉ោង៨នឹង២៧នាទីព្រឹកត្រូវនឹងថ្ងៃទី២៣ ខែសីហា ឆ្នាំ២០២៦ស្ថិតនៅភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ ។ បើតាមការបញ្ជាក់ពីជនរងគ្រោះ មានឈ្មោះ គុណ វិចិត្រ ភេទប្រុស អាយុ ៣១ឆ្នាំ មុខរបរជាងភ្លើង មានស្រុកកំណើតនៅភូមិស្វាយ ឃុំបារាយណ៍ ស្រុកបារាយណ៍ ខេត្តកំពង់ធំ និងបច្ចុប្បន្នស្នាក់នៅភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ ក្រោយកើតហេតុ ជនរងគ្រោះត្រូវបានរថយន្តសង្គ្រោះដឹកបញ្ជូនទៅកាន់មន្ទីរពេទ្យ ដើម្បីទទួលការព្យាបាល។ ជុំវិញករណីនេះ ជនរងគ្រោះសង្ស័យថា អាចពាក់ព័ន្ធនឹងរឿងគំនុំ ខណៈជនសង្ស័យទាំង ២នាក់ ក្រោយធ្វើសកម្មភាពរួច បានជិះម៉ូតូគេចខ្លួនបាត់ស្រមោល។ បច្ចុប្បន្ន សមត្ថកិច្ចពាក់ព័ន្ធកំពុងធ្វើការស្រាវជ្រាវ និងកំណត់អត្តសញ្ញាណជនសង្ស័យ ដើម្បីចាត់ការតាមនីតិវិធីច្បាប់៕ ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សព្វផ្សាយពានិជ្ជកម្មផ្សេងៗ 0717095001 @NGINSOKHUN