边境事务国务秘书处招录考试 洪玛尼下令更换命题组确保公平

មុនចាប់ផ្តើមការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌរដ្ឋលេខាធិការដ្ឋានកិច្ចការព្រំដែន ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង បានសំណេះសំណាលជាមួយបេក្ខជនដែលចូលរួមប្រឡងប្រជែង ដោយលើកឡើងពីការបង្ហោះជាសាធារណៈរបស់បេក្ខភាព ដែលនឹងត្រូវចូលរួមតាក់តែងវិញ្ញាសា សម្រាប់ការប្រឡងជ្រើសរើសមន្រ្តីក្របខ័ណ្ឌ សម្រាប់រដ្ឋលេខាធិការកិច្ចការព្រំដែន។ ក្រោយពីបានពិភាក្សា ក្នុងនាមឯកឧត្តមជាប្រធានគណៈកម្មការដឹកនាំការប្រឡង ឯកឧត្តមបានសម្រេច និងណែនាំទៅក្រុមការងារបច្ចេកទេស ដើម្បីធ្វើការកែសម្រួលឱ្យបានឆាប់បំផុត សម្រាប់បញ្ជីបេក្ខភាពដែលត្រូវចូលរួមតាក់តែងវិញ្ញាសា។ ឯកឧត្តមឧបនាយករដ្ឋមន្ត្រី ក៏បានបញ្ជាក់ថា "ការសម្រេចនេះ គឺដើម្បីធានាភាពអនាមិកនៃបេក្ខភាពដែលត្រូវមកតាក់តែងវិញ្ញាសាសម្រាប់ការប្រឡងផង ជាការធានាយុត្តិធម៌សម្រាប់បេក្ខជនប្រឡងទាំងអស់ផង និងការធានាថាប្រព័ន្ធជ្រើសរើសមន្រ្តីស្របតាមនិយាមថ្មី ដែលយើងបានអនុវត្ត ៥៣ដងរួចមកហើយ នៅតែជាដំណើរ ក្នុងការជ្រើសរើសផ្អែកលើគោលការណ៍គុណាធិបតេយ្យ តម្លាភាព យុត្តិធម៌ បរិយាប័ន្ន និងប្រសិទ្ធភាព ពិតប្រាកដ និងជឿទុកចិត្តបាន។"