洪玛尼率团访问越南 深化两国青年组织合作交流

នាល្ងាច ថ្ងៃទី២៣ ខែកញ្ញា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា អញ្ជើញដឹកនាំគណៈប្រតិភូសហភាពសហព័ន្ធយុវជនកម្ពុជា ចូលរួមបំពេញទស្សនកិច្ចការងារនៅសាធារណរដ្ឋសង្គមនិយមវៀតណាម តបតាមការអញ្ជើញរបស់ គណៈកម្មាធិការកណ្តាល មជ្ឈិមសម្ព័ន្ធយុវជនកុម្មុយនិស្តហូជីមិញ (HCYU) និងមជ្ឈិមសហភាពសហព័ន្ធយុវជនវៀតណាម (VYF)។ ដំណើរទស្សនកិច្ចនេះ ធ្វើឡើងក្នុងគោលបំណងបន្តពង្រឹងចំណងមិត្តភាព និងកិច្ចសហប្រតិបត្តិការរវាង សហភាពសហព័ន្ធយុវជនកម្ពុជា និងសហាភាពសហព័ន្ធយុវជនវៀតណាម ព្រមទាំងបង្កើតការផ្លាស់ប្តូរបទពិសោធន៍ និងទំនាក់ទំនងរវាងយុវជននៃប្រទេសទាំងពីរ។ លើសពីនោះ ទស្សនកិច្ចនាពេលនេះ ក៏ជាការរួមចំណែកដល់ការពង្រឹងទំនាក់ទំនង និងកិច្ចសហប្រតិបត្តិការរវាង ព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ឱ្យកាន់តែគ្រប់ជ្រុងជ្រោយប្រកបដោយភាពជិតស្និទនិងមិត្តភាពយូរអង្វែង។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.** 🌐**uyfc.org** 📱[**Facebook**](https://www.facebook.com/uyfccambodia) 📱[**YouTube**](https://www.youtube.com/@unionofyouthfederationcambodia)** ** 📱[**Telegram**](https://t.me/uyfc_news)** ** 📱** **[**TikTok**](https://www.tiktok.com/@uyfccambodia?_t=8fUJ9WcjHX8)