堆谷区发生车祸 奔驰与摩托车相撞

**នៅយប់រំលងអធ្រាត្រ ឈានចូលថ្ងៃទី២១ ខែសីហា ឆ្នាំ២០២៦ មានករណីគ្រោះថ្នាក់ចរាចរណ៍មួយបានកើតឡើងនៅចំណុចស្តុបផ្លូវ៤៣២ កែងផ្លូវ១០៥ ក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ។ ហេតុការណ៍នេះបានកើតឡើងរវាងរថយន្តស៊េរីទំនើបម៉ាក Mercedes-Benz GLC 200 ពណ៌ខ្មៅ ពាក់ស្លាកលេខ ភ្នំពេញ 2B0-6333 និងម៉ូតូ Dream សេ១២៥ ស៊េរីឆ្នាំ២០២៤ ពណ៌ខ្មៅ ពាក់ស្លាកលេខ ភ្នំពេញ 1AW-0270។ តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុ រថយន្ត Mercedes បានធ្វើដំណើរបណ្តោយផ្លូវ១០៥ ក្នុងទិសដៅពីត្បូងទៅជើង។ លុះមកដល់ចំណុចកើតហេតុ ក៏មានម៉ូតូ Dream បើកបរដោយបុរសម្នាក់ ធ្វើដំណើរបណ្តោយផ្លូវ៤៣២ ក្នុងទិសដៅពីលិចទៅកើត ក្នុងល្បឿនលឿន បានបុកចូលចំហៀងខាងស្តាំផ្នែកខាងក្រោយនៃរថយន្តយ៉ាងពេញទំហឹង។ ការបុកទង្គិចនេះបានបណ្តាលឱ្យអ្នកបើកបរម៉ូតូរងរបួសធ្ងន់ និងត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀតភ្លាមៗ។ ចំណែករថយន្ត និងម៉ូតូបានរងការខូចខាតយ៉ាងខ្លាំង។ ក្រោយពេលកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ ដើម្បីធ្វើការវាស់វែង និងសម្របសម្រួលចរាចរណ៍។ មធ្យោបាយទាំងពីរត្រូវបានសមត្ថកិច្ចយកទៅរក្សាទុក ដើម្បីរង់ចាំការដោះស្រាយតាមនីតិវិធី។**