基里隆山违建宿舍拆除 官方确认不影响学校教学

ខ្ញុំចង់ឃើញឲ្យថ្នាក់ដឹកនាំ ជួយពិនិត្យមើលលទ្ធភាព ដែលអាចផ្តល់ទីតាំង និងសាងសង់ផ្ទះគ្រូបង្រៀននៅសាលាដូងលើភ្នំគិរីរម្យ ដើម្បីបន្តឱកាសបានបង្រៀន និងផ្តល់ចំណេះដឹងដល់កូនសិស្សជាង១៦០នាក់។ ខ្ញុំសូមបញ្ជាក់ជូនបងប្អូនថា ការជូនដំណឹងរបស់មន្រ្តីជំនាញឲ្យរុះរើក្នុងពេល ១៤ថ្ងៃនោះ មិនតម្រូវឲ្យរុះរើសាលាដូង ដូចការផ្សាយលើបណ្តាញសង្គមនោះឡើយ ពោលឲ្យរុះរើផ្ទះស្នាក់នៅរបស់គ្រូបង្រៀនទាំងជនជាតិខ្មែរ និងបរទេសដែលមានចម្ងាយ ៨០០ម៉ែត្រពីសាលា ក្រោមហេតុផលថាបានសង់ខុសច្បាប់តាំងពីឆ្នាំ២០១៨កន្លងមក។ តែដំណើរការបង្រៀនកូនៗរបស់អ្នកស្រុកនៅលើភ្នំគិរីរម្យ អាចបន្តទៅមុខទៀតបាន ទាល់តែផ្តល់កន្លែងស្នាក់នៅសមរម្យសម្រាប់គ្រូបង្រៀនទាំងអស់។ បើកន្លែងស្នាក់នៅរបស់គ្រូ ត្រូវបានរុះរើ តើឲ្យគ្រូមានកន្លែងណាសម្រាប់ស្នាក់នៅ? បើផ្ទះស្នាក់នៅរបស់ពួកគាត់សាងសង់ខុសច្បាប់ គួររកកន្លែងផ្សេងណាមួយ ដែលជាការសម្បទានជូនពួកគាត់។ ទីតាំង និងសំណង់សម្រាប់គ្រូបង្រៀន ជាការចាំបាច់ ហើយខ្ញុំគិតថា មន្រ្តីជំនាញ និងអាជ្ញាធរ គួររួមគ្នាពិភាក្សាផ្តល់ដំណោះស្រាយមួយនេះ ដើម្បីឲ្យក្មេងៗអាចបន្តការទទួលយកចំណេះដឹងទៅមុខទៀត។ បើសិនអាចសាងសង់បន្ថែមអគារសិក្សាជូនដល់កូនសិស្សនៅទីនោះទៀត កាន់តែប្រសើរ។