阿姆瑞特小贷签约教育部 连3年赞助读书日书展

គ្រឹះស្ថានមីក្រូហិរញ្ញវត្ថុ អម្រឹត បានចុះអនុស្សរណៈនៃការយោគយល់គ្នា ជាមួយក្រសួងអប់រំ យុវជន និងកីឡា ក្នុងការក្លាយជាដៃគូឧបត្ថម្ភធំក្នុងការគាំទ្រការរៀបចំពិព័រណ៍សៀវភៅ អបអរសាទរ «ទិវាជាតិអំណាន ១១ មីនា» សម្រាប់រយៈពេល ៣ឆ្នាំជាប់គ្នា ចាប់ពីឆ្នាំ២០២៧ ដល់ឆ្នាំ២០២៩។ កិច្ចសហប្រតិបត្តិការប្រវត្តិសាស្ត្រនេះ បានស្តែងឱ្យឃើញយ៉ាងច្បាស់ពីការប្តេជ្ញាចិត្តយ៉ាងមុតមាំរបស់ អម្រឹត ក្នុងការចូលរួមចំណែកអភិវឌ្ឍវិស័យអប់រំ ព្រមទាំងលើកកម្ពស់វប្បធម៌នៃការអាន និងការតែងនិពន្ធនៅកម្ពុជាឱ្យកាន់តែរីកចម្រើនខ្លាំងក្លា។ ថ្លែងក្នុងពិធីចុះហត្ថលេខានេះ លោក ដុស ឌីន អគ្គនាយកគ្រឹះស្ថានមីក្រូហិរញ្ញវត្ថុ អម្រឹត បានមានប្រសាសន៍ថា៖«ក្នុងនាមជាស្ថាប័នមីក្រូហិរញ្ញវត្ថុមួយ អម្រឹត តែងតែចូលរួមយ៉ាងសកម្មក្នុងសកម្មភាពសង្គម ជាពិសេសលើវិស័យអប់រំ។ ថ្ងៃនេះ លោកពិតជាមានសេចក្តីសោមនស្សរីករាយយ៉ាងក្រៃលែង ដែលបានក្លាយជាដៃគូគាំទ្រពិព័រណ៍សៀវភៅនេះ។ កន្លងមក អម្រឹត ធ្លាប់បានចូលរួមគាំទ្រកម្មវិធីផ្សេងៗដូចស្ថាប័នដទៃទៀតដែរ ប៉ុន្តែសម្រាប់ពេលនេះ យើងបានសម្រេចចិត្តបោះជំហានដ៏ពិសេសមួយទៀត ដោយក្លាយខ្លួនជាអ្នកឧបត្ថម្ភធំផ្លូវការ គាំទ្រពិព័រណ៍សៀវភៅអបអរសាទរទិវាជាតិអំណាន ១១ មីនា រហូតដល់ ៣ឆ្នាំជាប់គ្នា»។