柬埔寨第5届全国运动会与第3届全国残疾人运动会开幕式定于20

ឯកឧត្តមបណ្ឌិតសភាចារ្យ ហង់ជួន ណារ៉ុន អញ្ជើញជាអធិបតីភាពក្នុងពិធីក្រុងពាលីសុំសេចក្តីសុខ សម្រាប់ពិធីបើកកីឡាជាតិ ឆ្នាំ២០២៦ រាជធានីភ្នំពេញ៖ នាថ្ងៃទី០៦ ខែវិច្ឆិកា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំយុវជន និងកីឡា ឯកឧត្តមបណ្ឌិត ថោង ខុន ទេសរដ្ឋមន្រ្តីមន្រ្តីទទួលបន្ទុកជំរុញការអភិវឌ្ឍចលនាកីឡា និងជាប្រធានគណៈកម្មាធិការជាតិអូឡាំពិកកម្ពុជា បានអញ្ជើញជាអធិបតីភាពក្នុងពិធីក្រុងពាលីសុំសេចក្តីសុខ សម្រាប់ពិធីបើកកីឡាជាតិលើកទី៥ និងកីឡាជាតិជនពិការលើកទី៣ ឆ្នាំ២០២៦ នៅពហុកីឡដ្ឋានជាតិអូឡាំពិក។ ជាមួយគ្នានោះដែរក៏មានការអញ្ជើញចូលរួមពីសំណាក់មន្រ្តីជាន់ខ្ពស់នៃក្រសួងអប់រំយុវជន និងកីឡា សិល្បៈករ សិល្បៈការិនី និងមន្រ្តីពាក់ព័ន្ធជាច្រើនរូបផងដែរ។ សូមបញ្ជាក់ថា ពិធីបើកព្រឹត្តិការណ៍កីឡាជាតិលើកទិ៥ និងកីឡាជាតិជនពិការលើកទី៣ ឆ្នាំ២០២៦ នឹងប្រព្រឹត្តទៅនៅថ្ងៃទី០៧ ខែវិច្ឆិកា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅពហុកីឡដ្ឋានជាតិអូឡាំពិក៕