金边卡巴高区三轮车司机可申请燃油补贴

ប្រជាពលរដ្ឋមានកង់បីឥណ្ឌា និងរ៉ឺម៉កកង់បី ហើយរស់ក្នុងសង្កាត់ក្បាលកោះ អាចទៅចុះឈ្មោះស្នើសុំប្រាក់ឧបត្ថម្ភ ដើម្បីជួយសម្រាលថ្លៃសាំងពីមេភូមិ ភ្នំពេញ៖ រដ្ឋបាលសង្កាត់ក្បាលកោះ បានជូនដំណឹងដល់ប្រជាពលរដ្ឋដែលមាន ឬប្រកបរបរដោយប្រើប្រាស់កង់បីឥណ្ឌា និងរ៉ឺម៉កកង់បី សម្រាប់ដឹកអ្នកដំណើរប្រចាំថ្ងៃ ឱ្យទៅជួបមេភូមិដោយផ្ទាល់ ដើម្បីចុះឈ្មោះស្នើសុំការជួយឧបត្ថម្ភជាថវិកា ពាក់ព័ន្ធនឹងផលប៉ះពាល់ពីសម្ពាធថ្លៃប្រេង និងឧស្ម័នឥន្ធនៈ។ ប្រជាពលរដ្ឋត្រូវភ្ជាប់អត្តសញ្ញាណប័ណ្ណសញ្ជាតិខ្មែរ និងកាតគ្រី។ ការជួយឧបត្ថម្ភនេះ សំដៅលើកង់បី និងរ៉ឺម៉កកង់បីដែលប្រើសម្រាប់ ដឹកអ្នកដំណើរ ប៉ុណ្ណោះ មិនរាប់បញ្ចូលយានយន្តដែលប្រើសម្រាប់ដឹកទំនិញឡើយ។ សម្រាប់ព័ត៌មានបន្ថែម អាចទំនាក់ទំនងលោក គង់ សុខឧត្តម ចៅសង្កាត់ស្តីទី តាមលេខ ០១៧ ៦១៤ ១៦២ ឬលោក ជុំ ថា ស្មៀនសង្កាត់ តាមលេខ ០៧៧ ៩១៣ ៨៣១៕