柬埔寨青年联合会（UYFC）举行工作总结与交流会议

ពិធីសំណេះសំណាលជាមួយថ្នាក់ដឹកនាំ សមាជិក សមាជិកា ក្រុមការងារសហភាពសហព័ន្ធយុវជនកម្ពុជា គ៧៨ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នាថ្ងៃទី២៤ ខែមេសា ឆ្នាំ២០២៦ នៅសាលសន្និសទីចតុមុខ។ អញ្ជើញចូលរួមនាឱកាសនោះរួមមាន ឯកឧត្តម លោកជំទាវ លោក លោកស្រី ថ្នាក់ដឹកនាំ សមាជិក សមាជិកា គណៈអចិន្រ្តៃយ៍ គណៈកម្មាធិការកណ្តាល និងសមាជិក សមាជិកា ក្រុមការងារ ស.ស.យ.ក. គ៧៨ សរុបជាង ៥០០ នាក់ ផងដែរ។ ជាកិច្ចចាប់ផ្តើម លោក ហេង ជិនហាក់ សមាជិកក្រុមការងារស.ស.យ.ក. គ៧៨ បានធ្វើបទបង្ហាញស្តីពីលទ្ធផលការងារ និងទិសដៅបន្តរបស់ ក្រុមការងាររស.ស.យ.ក. គ៧៨ ដែលមាន៖ (១) ការពង្រឹងរចនាសម្ព័ន្ធ និងការកសាងចលនាយុវជន (២) ការងារមនុស្សធម៌ និងសង្គម (៣) ការអភិវឌ្ឍធនធានមនុស្ស (៤) ការលើកកម្ពស់លទ្ធិប្រជាធិបតេយ្យ និង (៥) កិច្ចសហប្រតិបត្តិការអន្តរជាតិ។ ជាកិច្ចបន្ទាប់ ឯកឧត្តម យុិនទៀង ពុទ្ធិរ៉ា អនុប្រធានក្រុមការងារ ស.ស.យ.ក.គ៧៨ និងជាតំណាងប្រធានក្រុមការងារស.ស.យ.ក.គ៧៨ បានស្វាគមន៍យ៉ាងកក់ក្តៅចំពោះវត្តមានដ៏ខ្ពង់ខ្ពស់របស់ ឯកឧត្តម ហ៊ុន ម៉ានី និងសមាជិក សមាជិកា ក្រុមការងារ ស.ស.យ.ក. គ៧៨ នាឱកាសនេះ។ ជាមួយគ្នានេះឯកឧត្តមបានបន្ថែមទៀតថា ក្រុមការងារជានិច្ចកាលតែងតែប្រកាន់ខ្ជាប់នូវឆន្ទៈមនសិការស្នេហាជាតិតាមរយៈការបង្កើតកម្មវិធីមួយចំនួនដើម្បីផ្សព្វផ្សាយ និងចែករំលែកប្រធានបទ ចំណេះដឹងល្អក្នុងចំណោមសមាជិក សមាជិកា និងសហគមន៍។ សូមជម្រាបជូនថា ពិធីសំណេះសំណាលនេះ ត្រូវបានរៀបចំឡើងក្នុងគោលបំណងបង្កើតភាពស្និតស្នាលរវាងសមាជិក សមាជិកា។ ជាមួយគ្នានេះ ឯកឧត្តម ហ៊ុន ម៉ានី បានថ្លែងអំណរដល់សមាជិកសមាជិកាគ្រប់រូប នៃក្រុមការងារ ស.ស.យ.ក. គ៧៨ ដែលចូលរួមសកម្មភាពនានាទាំងក្នុងក្របខ័ណ្ឌ គ៧៨ ក៏ដូចជាជាមួយថ្នាក់កណ្តាល។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក. **🌐 [**uyfc.org**](https://www.uyfc.org/)** **📱 [**Facebook**](https://www.facebook.com/uyfccambodia)** **📱 [**YouTube**](https://www.youtube.com/@unionofyouthfederationcambodia)** **📱 [**Telegram**](https://t.me/uyfc_news)** **📱** **[**TikTok**](https://www.tiktok.com/@uyfccambodia?_t=8fUJ9WcjHX8)