磅湛省举行物资发放仪式并启用公共设施

ស.ស.យ.ក. ខេត្តកំពង់ចាម សូមគោរពជូនសកម្មភាពប្រចាំថ្ងៃទី១-២ ខែកញ្ញា ឆ្នាំ២០២៦ ដូចខាងក្រោម៖ 👉លោក ហេង សាន ប្រធាន ស.ស.យ.ក. ឃុំបានដឹកនាំក្រុមការងារយុវជន ស.ស.យ.ក. ឃុំកោះសូទិន ចូលរួមពិធីចែកអង្គរជូនប្រជាពលរដ្ឋចំនួន ២៦៥គ្រួសារ   សិស្សានុសិស្សចំនួន ៨០នាក់ និងសម្ភោធដាក់ឱ្យប្រើប្រាស់ ចំណតកង់ ម៉ូតូ ឡាន រោងចុងភៅ ក្នុងស្ថិតក្នុងបរិវេណវិហារឥស្លាម ភូមិទី១៣ ឃុំកោះសូទិន ក្រោមអធិបតីភាពឯកឧត្តម សា ស៊ីថា អភិបាលរង នៃគណៈអភិបាលខេត្តកំពង់ចាម តំណាងដ៏ខ្ពង់ខ្ពស់របស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ។ 👉លោក ឡុង ខេង និងសហការី ស.ស.យ.ក. ស្រុកកងមាសបានចូលរួមដំណើរជាមួយ លោក ភោគ សាវុធ អភិបាល នៃគណ:អភិបាលស្រុក លោក ហង្ស សុផល ប្រធានក្រុមប្រឹក្សាស្រុក និងសមាជិកក្រុមប្រឹក្សា អភិបាលរងស្រុក និងមន្ត្រីរាជការ ដោយមានការចូលរួមពីព្រះបញ្ញាសោភ័ណ្ឌ ដេន លៀង វិន័យធរគណស្រុក ទៅសួរសុខទុក្ខ និងនាំយកគ្រឿងឧបភោគ បរិភោគ និងថវិកា ជូនកងទ័ព៌ជួរមុខនៅទិសខេត្តព្រះវិហារ ចំនួន០៣ទីតាំង គឺកងពលធំលេខ៣ កងពលតូចអន្តរាគមន៍លេខ៧ និងកងពលធំលេខ៣ប្រចាំតំបន់មុំ។ 👉 លោក អេង ណាង សមាជិក ស.ស.យ.ក.ឃុំគរ បានចូលរួមជាមួយគណកម្មការបុណ្យភូមិ និងប្រជាពលរដ្ឋកាប់សម្អាតព្រៃអមផ្លូវលំចំណុចភូមិតាមាស ឃុំគរ ស្រុកព្រៃឈរ ខេត្តកំពង់ចាម។ 👉ស.ស.យ.ក. ឃុំព្រះអណ្ដូង បានចូលរួមជាមួយអាជ្ញាធរមូលឃុំព្រះអណ្ដូង និង លោក អ៊ុម វិបុល ប្រធានក្រុមការងាររាជរដ្ឋាភិបាលចុះមូលដ្ឋានឃុំព្រះអណ្ដូង បានអញ្ជើញចុះសួរសុខទុក្ខ និងនាំយកអំណោយរបស់ ឯកឧត្តម ហ៊ុន ម៉ានិត ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទឹងត្រង់ ជូនគ្រួសារក្រីក្រជួបការលំបាកចំនួន ៦គ្រួសារ ដោយក្នុង១គ្រួសារ ទទួលបាន អង្ករ ១៥គីឡូ ទឹកត្រី ១យួរ ទឹកស៊ីអ៉ីវ ១យួរ ប្រេងឆា ១ដប សាប៊ូដុំ២ដុំ និងថវិកា ២០,០០០រៀល សរុប ៦០០,០០០រៀល និងចាស់ជរា ចំនួន ៥នាក់ ក្នុង១នាក់ ថវិកា ៥០,០០០ រៀល សរុប ២៥០,០០០រៀល ។