神舟23号乘组天宫空间站完成水稻种植实验 验证遗传稳定性

បន្ទាប់ពីស្នាក់នៅស្ថានីយអវកាស Tiangong អស់រយៈពេលជាង ២ខែ ក្រុមអវកាសយានិកចិនចំនួន ៣រូប នៃបេសកកម្ម Shenzhou-23 គឺ លោក Zhu Yangzhu, លោក Zhang Zhiyuan និងលោកស្រី Lai Ka-ying សម្រេចបានវឌ្ឍនភាពយ៉ាងលេចធ្លោលើការពិសោធន៍វិទ្យាសាស្ត្រ ដោយបានប្រមូលផល «ស្រូវគំរូ» ជំហានដំបូងដោយជោគជ័យ។ នេះជាការសិក្សាដំបូងបង្អស់លើការដាំដុះស្រូវបន្តវេនគ្នាពីរជំនាន់ «ពីគ្រាប់ពូជ ទៅជាគ្រាប់ពូជ» ក្នុងលក្ខខណ្ឌទំនាញផែនដីទាប ដើម្បីពិនិត្យមើលស្ថិរភាពហ្សែនរបស់រុក្ខជាតិ។ ក្រៅពីកសិកម្មអវកាស ក្រុមការងារបានធ្វើការពិសោធន៍វេជ្ជសាស្ត្រ ដោយប្រើប្រាស់ឧបករណ៍អេកូសាស្ត្រ ពិនិត្យសរសៃឈាម ដើម្បីសិក្សាពីលំហូរឈាម និងចលនាបេះដូង ព្រមទាំងបានកែសម្រួលប្រព័ន្ធពន្លឺក្នុងកាប៊ីន ដើម្បីសិក្សាពីឥទ្ធិពលពន្លឺលើផ្លូវចិត្ត និងប្រសិទ្ធភាពការងារ។ ពួកគាត់ក៏បានបញ្ចប់សមយុទ្ធជម្លៀសខ្លួនអាសន្ន ករណីមានអគ្គិភ័យកើតឡើងក្នុងតារាវិថីផងដែរ។ ចំពោះការថែទាំសុខភាព ក្រុមអវកាសយានិកបានពិនិត្យរាងកាយជាប្រចាំ ដូចជាការវាស់ចលនាបេះដូង ពិនិត្យភ្នែក និងប្រើប្រាស់ឧបករណ៍វាស់ម៉ាសរាងកាយក្នុងអវកាស ដើម្បីតាមដានការប្រែប្រួលជីវសាស្ត្រ ព្រមទាំងបានហាត់ប្រាណលើម៉ាស៊ីនរត់យ៉ាងសកម្ម នៅក្នុងស្ថានីយអវកាស៕