柬埔寨10天内驱逐3684名外籍人员 涉网诈及非法居留

ត្រឹម១០ថ្ងៃក្នុងខែនេះកម្ពុជាបណ្ដេញចេញជនបរទេស៣,៦៨៤នាក់ពាក់ព័ន្ធ​ការឆបោក​អនឡាញនិងបទល្មើសផ្សេងទៀត! ============= ជនបរទេសចំនួន៣,៦៨៤នាក់ ស្រី៤៨៩នាក់ មាន៣៥សញ្ជាតិ ត្រូវបានបណ្ដេញចេញពីកម្ពុជាក្នុងរយៈពេល១០ថ្ងៃក្នុងខែនេះ គឺពីថ្ងៃទី១-១០ ខែឧសភា ឆ្នាំ២០២៦។ នេះបើតាមការបញ្ជាក់របស់អគ្គនាយកដ្ឋានអន្តោប្រវេសន៍។ នៅក្នុងចំណោមជនបរទេសត្រូវបានបណ្ដេញ មានជនជាតិចិន១,៩៦៨នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញតាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិសៀមរាបអង្គរ និងប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។ ដោយឡែក ចំពោះជនបរទេសមួយចំនួនទៀតពាក់ព័ន្ធករណីលួចឆ្លងដែន, បន្លំឯកសារក្លែងក្លាយ, ស្នាក់នៅគ្មានលិខិតឆ្លងដែន, ចាប់ជំរិទទារប្រាក់, ប្រើប្រាស់ទិដ្ឋាការក្លែងក្លាយ( QR Code ក្លែងក្លាយ), ឆបោកតាមប្រព័ន្ធអនឡាញ, ធ្វើការងារខុសច្បាប់ និងបទល្មើសព្រហ្មទណ្ឌផ្សេងៗទៀតនៅក្នុងព្រះរាជាណាចក្រកម្ពុជា ត្រូវបានបណ្ដេញចេញតាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។ ============= [🌐អានព័ត៌មាន ](https://vayofm.com/news/detail/143776-258.html) [**👉Facebook**](https://www.facebook.com/vayofm)[** 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [👉](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)