磅清扬省举办青年道德教育研讨会 7月11日开讲

កម្មវិធី «អប់រំសីលធម៌ និងបណ្ដុះស្មារតីយុវជន»លើកទី២ នឹងរៀបចំនៅ វិទ្យាល័យ ហ៊ុន សែន កំពង់ត្រឡាច ខេត្តកំពង់ឆ្នាំង ដើម្បីជាការលើកទឹកចិត្ត និងបណ្ដុះឆន្ទៈដល់សិស្សនៅខេត្តកំពង់ឆ្នាំង វិទ្យាស្ថានភាសាបរទេសនៃសាកលវិទ្យាល័យបញ្ញាសាស្ត្រកម្ពុជា សាខាអូរប្ញស្សី សហការជាមួយនឹងក្រុមដំណើរខ្មែរ បានរៀបចំកម្មវិធីសិក្ខាសាលា សម្រាប់សិស្សនៅវិទ្យាល័យ ហ៊ុន សែន កំពង់ត្រឡាច និងសិស្សមកពីវិទ្យាល័យផ្សេងៗអាចចូលរួម ដើម្បីទទួលបានចំណេះដឹង បណ្ដុះសីលធម៌ និងស្មារតី និងការត្រៀមខ្លួនរួចរាល់សម្រាប់ត្រៀមចូលសាកលវិទ្យាល័យ។ កម្មវិធីនេះនឹងនាំមកនូវការចែករំលែកបទពិសោធន៍ជាក់ស្តែង គន្លឹះក្នុងការដឹកនាំខ្លួនឯង ការរៀបចំផែនការអនាគត និងការលើកទឹកចិត្តពីវាគ្មិនកិត្តិយសដែលពោរពេញដោយបទពិសោធន៍ និងជំនាញក្នុងវិស័យអប់រំផងដែរ។ សិស្សនឹងស្វែងយល់ពីវិធីសាស្ត្រដឹកនាំខ្លួន និងទទួលបានថាមពលវិជ្ជមានសម្រាប់ដំណើរជីវិត និងអាជីពនាពេលអនាគត។ 👉🏻ព័ត៌មានលម្អិតអំពីកម្មវិធី៖ 📅 កាលបរិច្ឆេទ៖ថ្ងៃសៅរ៍ ទី១១ ខែកក្កដា ឆ្នាំ២០២៦ ⏰វេលាម៉ោង៖ ៨:០០ នាទីព្រឹក ដល់ ១១:០០ នាទីព្រឹក 📍 ទីតាំង៖ វិទ្យាល័យ ហ៊ុន សែន កំពង់ត្រឡាច ស្ថិតនៅភូមិអូរប្ញស្សី ឃុំអូរប្ញស្សី ស្រុកកំពង់ត្រឡាច ខេត្តកំពង់ឆ្នាំង