劳工部举办残疾人就业研讨会 推动企业提供就业机会

នាព្រឹកថ្ងៃទី២៩ ខែមេសា ឆ្នាំ២០២៦ នេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានសហការជាមួយ រដ្ឋបាលសិទ្ធិជនពិការ និងនាយកដ្ឋានសុខមាលភាពជនពិការនៃក្រសួងសង្គមកិច្ច អតីតយុទ្ធជន និងយុវនីតិសម្បទា ក្រោមការគាំទ្រពីអង្គការយូនីសេហ្វប្រចាំនៅកម្ពុជា (UNICEF) តាមរយៈគម្រោងការងារសមរម្យសម្រាប់យុវជនកម្ពុជាដំណាក់កាលទី៣ (DEY III) រៀបចំសិក្ខាសាលាស្តីពី "បរិយាបន្នការងារ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួល ដល់ជនមានពិការភាពនៅកម្ពុជា"  នៅអគារ NEA ស្ថិតក្នុងបរិវេណក្រសួងការងារនិងបណ្តុះបណ្តាលវិជ្ជាជីៈ។ កម្មវិធីនេះមានរួមបញ្ជូល សិក្ខាសាលាបញ្រ្ជាបការយល់ដឹង វេទិកាការងារ និងទស្សនកិច្ចសិក្សា ដែលរៀបចំឡើងក្នុងគោលបំណងបង្កើតឱ្យមានកន្លែងជួបជុំនៅមួយកន្លែងសម្រាប់អ្នកស្វែងរកការងារ ជាពិសេសអ្នកដែលមានពិការភាព ដាក់ពាក្យ និងសម្ភាសការងារ ព្រមទាំងជំរុញ សហគ្រាស ក្រុមហ៊ុន រោងចក្រ ផ្តល់ឱកាសការងារ និងយល់ដឹងបន្ថែមពីការរៀបចំហេដ្ឋារចនាសម្ព័ន្ធដែលបង្កលក្ខណៈងាយស្រួល ដល់កម្មករនិយោជិតដែលមានពិការភាព ។ ទនឹ្ទមនឹង នៅក្នុងសិក្ខាសាលានេះ ក៏មានរៀបចំកិច្ចពិភាក្សា ដែលមានការចូលរួមពីវាគ្មិនជំនាញមកពីរដ្ឋបាលសិទ្ធិជនពិការ តំណាងអគ្គនាយកដ្ឋានបណ្តុះបណ្តាលបច្ចេកទេស និងវិជ្ជាជីវៈ តំណាងរោងចក្រ ឌូ ហឺស្ត ខេមបូឌា ខូអិលធីឌី និងតំណាងអង្គការ PAFID ផងដែរ។