卫生部召开母婴保健中心理事会 审议三季度服务收支

«កិច្ចប្រជុំក្រុមប្រឹក្សាភិបាល លើកទី៦ អាណត្តិទី២ នៃមជ្ឈមណ្ឌលជាតិគាំពារមាតា និងទារក» —— រាជធានីភ្នំពេញ៖ ព្រឹកថ្ងៃសុក្រ ទី៦ ខែវិច្ឆិកាឆ្នាំ២០២៦ លោកជំទាវសាស្ត្រាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាល នៃមជ្ឈមណ្ឌលជាតិគាំពារមាតា និងទារក បានអញ្ជើញជាអធិបតីដឹកនាំកិច្ចប្រជុំក្រុមប្រឹក្សាភិបាល នៃមជ្ឈមណ្ឌលជាតិគាំពារមាតា និងទារក ដើម្បីពិនិត្យវឌ្ឍនភាព នៃការបម្រើសេវាពិនិត្យ និងព្យាបាលជូនប្រជាពលរដ្ឋ និងចំណូល ចំណាយប្រចាំត្រីមាសទី៣ ឆ្នាំ២០២៦ លើកទី៦ អាណត្តិទី២។ ក្នុងឱកាសប្រជុំក្រុមប្រឹក្សាភិបាល លោកជំទាវសាស្ត្រាចារ្យ បានមានមតិស្វាគមន៍ ឯកឧត្តម លោក លោកស្រី ដែលមានវត្តមានក្នុងអង្គប្រជុំ និងបានកោតសរសើរដល់ថ្នាក់ដឹកនាំមជ្ឈមណ្ឌល និងបុគ្គលិកទាំងអស់ ដែលបានខិតខំយកចិត្តទុកដាក់ក្នុងការពិនិត្យ និងព្យាបាលជំងឺជូនប្រជាពលរដ្ឋ សម្រេចបានជាលទ្ធផលល្អប្រសើរ ធ្វើឱ្យចំនួនអតិថិជន ដែលមកទទួលសេវាពិនិត្យ និងព្យាបាល នៅត្រីមាសទី៣ ឆ្នាំ២០២៦ មានការកើនឡើងខ្ពស់ បើប្រៀបធៀបនឹងត្រីមាសទី៣ ឆ្នាំ២០២៥។   លោកជំទាវសាស្ត្រាចារ្យ ក៏បានណែនាំដល់ថ្នាក់ដឹកនាំមជ្ឈមណ្ឌល ត្រូវពង្រឹង និងបន្តរៀបចំវគ្គបណ្តុះបណ្តាល បង្កើនសមត្ថភាពរបស់បុគ្គលិក ទាំងបច្ចេកទេសព្យាបាល ទាំងឥរិយាបថថ្លៃថ្នូរ ប្រកបដោយភាពទទួលខុសត្រូវខ្ពស់ ដើម្បីបម្រើសេវាពិនិត្យ និងព្យាបាលជូនប្រជាពលរដ្ឋ ប្រកបដោយសុវត្ថិភាព ប្រសិទ្ធភាព ស័ក្តិសិទ្ធិភាព និងនវានុវត្តន៍។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)