世界粮食计划署向皇家金边大学捐赠实验室防护物资

កម្មវិធីស្បៀងអាហារពិភពលោក (WFP)បានឩបត្ថម អាវការពារ (Reusable gown)និងស្រោមដៃកៅស៊ូ (Rubber gloves) សម្រាប់ប្រើប្រាស់ក្នុងមន្ទីរពិសោធន៍ សាកលវិទ្យាល័យភូមិន្ទភ្នំពេញ (Royal University of Phnom Penh): តាមរយៈការិយាល័យស្រាវជ្រាវ បានទទួល អាវការពារសម្រាប់អ្នកប្រើប្រាស់មន្ទីរពិសោធន៍ ចំនួន ៨៨ ប្រអប់ ស្មើនឹង ៨,៨០០ ឈុត និងស្រោមដៃកៅស៊ូសម្រាប់អ្នកប្រើប្រាស់មន្ទីរពិសោធន៍ ចំនួន ៣១ ប្រអប់ធំ ស្មើនឹង (៣១០ប្រអប់តូច) ពីកម្មវិធីស្បៀងអាហារពិភពលោក (WFP) ប្រចាំនៅប្រទេសកម្ពុជា នៅព្រឹកថ្ងៃទី១៩ ខែមិថុនា ឆ្នាំ២០២៦។ ការប្រគល់ និងទទួលសម្ភារៈទាំងនេះ ត្រូវបានរៀបចំឡើងនៅឃ្លាំងកម្មវិធីស្បៀងអាហារពិភពលោក (WFP) ប្រចាំនៅប្រទេសកម្ពុជា នៅខ័ណ្ឌឬស្សីកែវ ក្រុងភ្នំពេញ។ តំណាងការិយាល័យស្រាវជ្រាវ រួមមាន លោកស្រី ធឿន លក្ខិណា លោកកេត ម៉េងជាង លោក ផល វិផារត្ន័ និង លោក ផល វិផារ៉ូ បានចូលរួមទទួលសម្ភារៈឧបត្ថម្ភទាំងនោះដោយផ្ទាល់នៅឃ្លាំងអង្គការកម្មវិធីស្បៀងអាហារពិភពលោក (WFP)ដោយផ្ទាល់ នៅណ្ឌឬស្សីកែវ ក្រុងភ្នំពេញ។ សម្ភារៈឧបត្ថម្ភទាំងអស់ត្រូវដឹកជញ្ចូលនិងរក្សាទុកក្នុងឃ្លាំង សាកលវិទ្យាល័យភូមិន្ទភ្នំពេញ ដើម្បីប្រើប្រាស់ក្នុងការគាំទ្រក្នុងការសិក្សា ស្រាវជ្រាវ និងការអនុវត្តន៍មន្ទីរពិសោធន៍ក្នុងវិស័យ វិទ្យាសាស្រ្ត (science) បច្ចេកវិទ្យា(technology) វិស្វកម្ម(engineering)និងគណិតវិទ្យា(math) នៅឩត្តមសិក្សា ក្នុងប្រទេសកម្ពុជា។ សាកលវិទ្យាល័យភូមិន្ទភ្នំពេញ សូមថ្លែងអំណរគុណយ៉ាងជ្រាលជ្រៅចំពោះ កម្មវិធីស្បៀងអាហារពិភពលោក (WFP) ចំពោះការគាំទ្រដ៏មានតម្លៃនេះ ដែលបានចូលរួមចំណែកក្នុងការអភិវឌ្ឍធនធានមនុស្ស ការអប់រំ និងការស្រាវជ្រាវនៅកម្ពុជា។ #RUPP គេហទំព័រ និងបណ្ដាញសង្គមផ្លូវការរបស់​ RUPP 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl)