计划部与司法部公务员考试同步进行 洪玛尼现场督导

បេក្ខជនក្រសួងផែនការកំពុងមមាញឹកបំពេញវិញ្ញាសា ខណៈដែលបេក្ខជនក្រសួងយុត្តិធម៌ចាប់ផ្តើមបន្តការប្រឡង នាវេលារសៀលនេះ ស្របពេលដែលបេក្ខជនប្រឡងចូលក្រសួងផែនការ (វិទ្យាស្ថានជាតិស្ថិតិ) ចំនួន ៣៩២នាក់ បានចាប់ផ្តើមដំណើរការប្រឡងតាំងពីម៉ោង ១:០០រសៀល និងកំពុងតែមមាញឹកផ្ដោតអារម្មណ៍បំពេញវិញ្ញាសារបស់ខ្លួន យ៉ាងស្ងប់ស្ងាត់ ឯបេក្ខជនប្រឡងចូលក្របខ័ណ្ឌក្រសួងយុត្តិធម៌ ចំនួន ៥៦៦នាក់ ក៏បានចាប់ផ្តើមបន្តដំណើរការប្រឡងវគ្គរសៀលរបស់ខ្លួននាម៉ោង ២:០០រសៀល នេះផងដែរ។ បរិយាកាសគ្រប់បន្ទប់ប្រឡងនៃក្រសួងទាំងពីរ ត្រូវបានគ្រប់គ្រងយ៉ាងដិតដល់បំផុត ដោយគណៈកម្មការរៀបចំការប្រឡងប្រជែង ក្រោមការដឹកនាំផ្ទាល់របស់ឯកឧត្តមឧបនាយករដ្ឋមន្ត្រី ហ៊ុន ម៉ានី ដើម្បីធានាឱ្យបាននូវការប្រឡងប្រជែងដែលស្អាតស្អំ ១០០% ផ្អែកលើសមត្ថភាពពិតរបស់បេក្ខជនម្នាក់ៗ។