柬埔寨青年联合会与新加坡青年代表团在金边交流 80人参会

កាលពី ថ្ងៃទី០២ ខែឧសភា ឆ្នាំ២០២៦ លោកជំទាវ ដាំ ដារីនី អនុប្រធានសហភាពសហព័ន្ធយុវជនកម្ពុជា តំណាងដ៏ខ្ពង់ខ្ពស់ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានទទួលជួបជាមួយគណៈប្រតិភូយុវជន YLC នៃសមាគមប្រជាជនសិង្ហបុរី (People's Association Singapore) នៅអគារ The Kampus ។ អញ្ជើញមានវត្តមាននាឱកាសនោះរួមមាន ឯកឧត្តម លោកជំទាវ ភ្ញៀវកិត្តិយស សមាជិក សមាជិកា រួមទាំងគណៈប្រតិភូយុវជនប្រមាណ ៨០នាក់។ កិច្ចសន្ទនានេះ បានផ្ដល់ឱកាសឱ្យប្រតិភូយុវជនទាំងអស់ចូលរួមចែករំលែកបទពិសោធន៍ ការយល់ដឹងរបស់ខ្លួន មរតកវប្បធម៌ ការអភិវឌ្ឍសង្គម សម្រាប់ការពិភាក្សាស៊ីជម្រៅរបស់យុវជន។ លើសពីនោះថែមទៀត តាមរយៈកិច្ចសន្ទនានេះក៏បានផ្ដល់ឱកាសឱ្យយុវជនរបស់ប្រទេសទាំងពីរអាចពង្រីកការយល់ដឹងឱ្យបានកាន់តែទូលំទូលាយ និងពង្រឹងការផ្លាស់ប្តូរ រួមទាំងកិច្ចសហប្រតិបត្តិការតាមរយៈការរៀនសូត្រពីគ្នាទៅវិញទៅមក។ ជាមួយគ្នានេះ គណៈប្រតិភូ YLC ក៏បានចូលរួមសកម្មភាពសិក្សាស្វែងយល់នៅតាមស្ថាប័ន និងទីតាំងសំខាន់ៗមួយចំនួននៅកម្ពុជា ដូចជាស្ថាប័នអប់រំ វប្បធម៌ និងសង្គម ដើម្បីស្វែងយល់អំពីការអភិវឌ្ឍវិស័យយុវជន ការអប់រំ និងការអភិរក្សវប្បធម៌ជាតិ។ ក្រៅពីនេះ គណៈប្រតិភូក៏បានចូលរួមជាមួយកម្មវិធីពិភាក្សា និងទស្សនកិច្ចសិក្សា ដែលផ្ដោតលើការអភិវឌ្ឍសមត្ថភាពយុវជន ភាពជាអ្នកដឹកនាំ និងការចូលរួមក្នុងសង្គមប្រកបដោយចីរភាព ដែលជាមូលដ្ឋានសម្រាប់ពង្រឹងកិច្ចសហប្រតិបត្តិការយុវជនរវាងប្រទេសទាំងពីរនាពេលអនាគត។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក. **🌐 [**uyfc.org**](https://www.uyfc.org/)** **📱 [**Facebook**](https://www.facebook.com/uyfccambodia)** **📱 [**YouTube**](https://www.youtube.com/@unionofyouthfederationcambodia)** **📱 [**Telegram**](https://t.me/uyfc_news)** **📱** **[**TikTok**](https://www.tiktok.com/@uyfccambodia?_t=8fUJ9WcjHX8)