土耳其欢迎美国将叙利亚移出支持恐怖主义名单

ទួរគី អបអរសាទរការដកស៊ីរីចេញពីបញ្ជី «ប្រទេសគាំទ្រភេរវកម្ម » របស់អាមេរិក ដោយចាត់ទុកជាជំហានបើកផ្លូវដល់ការស្តារសេដ្ឋកិច្ចឡើងវិញ អង់ការ៉ា៖ ក្រសួងការបរទេសទួរគី បានចេញសេចក្តីប្រកាសព័ត៌មានជាផ្លូវការដោយសម្តែងការគាំទ្រ និងអបអរសាទរចំពោះសហរដ្ឋអាមេរិក ក្នុងការដកប្រទេសស៊ីរីចេញពីបញ្ជី «ប្រទេសគាំទ្រភេរវកម្ម » ដោយបានចាត់ទុកថា នេះគឺជាការលុបបំបាត់ឧបសគ្គដ៏ធំមួយ ដើមី្បបើកផ្លូវឱ្យមានការកសាងឡើងវិញ និងការស្តារសេដ្ឋកិច្ចជាតិរបស់ស៊ីរីឡើងវិញ។ ផ្អែកតាមសេចក្តីថ្លែងការណ៍ពីក្រសួងការបរទេសទួរគី ការសម្រេចចិត្តខាងផ្នែកការទូតដ៏សំខាន់នេះ នឹងជួយសម្រួលដល់ដំណើរការស្តារហេដ្ឋារចនាសម្ព័ន្ធរូបវន្ត ការទាក់ទាញវិនិយោគទុនបរទេស ព្រមទាំងការកាត់បន្ថយសម្ពាធសេដ្ឋកិច្ច និងមនុស្សធម៌ដែលប្រជាជនស៊ីរីបានជួបប្រទះអស់រយៈពេលជាច្រើនឆ្នាំមកនេះ។ រដ្ឋាភិបាលអង់ការ៉ា បានគូសបញ្ជាក់បន្ថែមថា ការកាត់បន្ថយទណ្ឌកម្ម និងការដកចេញពីបញ្ជីខ្មៅនេះ មិនត្រឹមតែផ្តល់ផលប្រយោជន៍ដោយផ្ទាល់ដល់ស៊ីរីប៉ុណ្ណោះទេ ប៉ុន្តែថែមទាំងរួមចំណែកដល់ស្ថិរភាពសន្តិសុខ និងការអភិវឌ្ឍសេដ្ឋកិច្ចនៅទូទាំងតំបន់មជ្ឈិមបូព៌ាទាំងមូលផងដែរ។ ប្រភព៖ Reuters [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech) | [YouTube](https://www.youtube.com/@rumlech)