缅甸领导人敏昂莱抵金边开启为期两天国事访问

ស្វាគមន៍ ឯកឧត្តម មីន អោង ឡាំង ប្រធានាធិបតីនៃសាធារណរដ្ឋសហភាពមីយ៉ាន់ម៉ា ដឹកនាំគណៈប្រតិភូជាន់ខ្ពស់អញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជា រយៈពេលពីរថ្ងៃ ចាប់ពីថ្ងៃទី១១ ដល់ថ្ងៃទី១២ ខែកញ្ញា ឆ្នាំ២០២៦ តបតាមការអញ្ជើញជាផ្លូវការ។ តាមកម្មវិធីដែលបានគ្រោងទុក ឯកឧត្តមប្រធានាធិបតីមីយ៉ាន់ម៉ា បានអញ្ជើញដល់អាកាសយានដ្ឋានអន្តរជាតិតេជោ នៅព្រឹកថ្ងៃទី១១ ខែកញ្ញា។ ក្នុងឱកាសនៃទស្សនកិច្ចផ្លូវរដ្ឋនេះ ឯកឧត្តមបានចូលជួបសម្តែងការគួរសម និងពិភាក្សាការងារកំពូលជាមួយ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា នៅវិមានសាមគ្គីភាព ព្រឹទ្ធសភា ព្រមទាំងចូលរួមក្នុងពិធីជប់លៀងផ្លូវរដ្ឋដែលរៀបចំឡើងដើម្បីជាកិត្តិយសដល់រូបឯកឧត្តម និងគណៈប្រតិភូ។ បន្ថែមពីនេះ ឯកឧត្តមក៏នឹងមានជំនួបទ្វេភាគីជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅវិមានសន្តិភាព ដើម្បីពិភាក្សាលើកិច្ចសហប្រតិបត្តិការ និងអញ្ជើញជាអធិបតីក្នុងពិធីចុះហត្ថលេខាលើឯកសារសំខាន់ៗ មុននឹងបន្តអញ្ជើញចូលជួប សម្តេចមហារដ្ឋសភាធិការធិបតី យួន សុដារី ប្រធានរដ្ឋសភាកម្ពុជា។...