德崇联赛第三赛季半决赛结束，保镖司令部与维萨卡队均以3-0战

បញ្ជាការដ្ឋានអង្គរក្ស និងវិសាខា ឡើងជួបគ្នានៅវគ្គផ្ដាច់ព្រ័ត្រតេជោលីគ រដូវកាលទី៣ ជាថ្មី ក្រោយយកឈ្នះគូប្រជែងដាច់ ៣-០សិតរៀងៗខ្លួន ក្នុងវគ្គពាក់កណ្ដាលផ្ដាច់ព្រ័ត្រ នៅល្ងាចថ្ងៃទី១ ខែកក្កដានេះ។ ក្នុងនោះក្រុមបញ្ជាការដ្ឋានអង្គរក្ស បានយកឈ្នះក្រុមស្នងការនគរបាលខេត្តស្វាយរៀង ២៥-២៣, ២៥-២៣ និង ២៥-១២ពិន្ទុ និងវិសាខា បានយកឈ្នះក្រុមស្នងការនគរបាលរាជធានីភ្នំពេញ ២៥-១៩, ២៥-១៥ និង ២៥-១៤ពិន្ទុ។ ជំនួបវគ្គផ្ដាច់ព្រ័ត្ររវាងក្រុមជើងឯក ២សម័យបញ្ជាការដ្ឋានអង្គរក្ស និងវិសាខា នឹងធ្វើឡើងនាល្ងាចថ្ងៃទី៣ ខែកក្កដាខាងមុខ នៅវិមានពហុកីឡដ្ឋានជាតិ(អូឡាំពិក) ក្រោយបញ្ចប់ជំនួបដណ្ដើមលេខ៣ រវាងក្រុមស្នងការនគរបាលខេត្តស្វាយរៀង និងក្រុមស្នងការនគរបាលរាជធានីភ្នំពេញ នៅរសៀលថ្ងៃជាមួយគ្នា។