柬埔寨2026年选民登记10月7日启动 覆盖全国各乡分区

គណៈកម្មាធិការជាតិរៀបចំការបោះឆ្នោត (គ.ជ.ប) បានចេញប្រកាសរៀបចំដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ ដែលនឹងត្រូវអនុវត្តចាប់ពីថ្ងៃទី៧ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២៦ នៅតាមសាលាឃុំ-សង្កាត់ និងនៅតាមភូមិមួយចំនួនទូទាំងប្រទេស។ ការងារនេះមានគោលដៅធានាឱ្យបញ្ជីបោះឆ្នោតមានភាពពេញលេញ ត្រឹមត្រូវ និងបច្ចុប្បន្នភាពប្រកបដោយសុវត្ថិភាព សម្រាប់រៀបចំការបោះឆ្នោតនាពេលខាងមុខ។ ក្នុងអំឡុងពេលនេះ អាជ្ញាធរនឹងធ្វើការលុបឈ្មោះអ្នកបោះឆ្នោតដែលបានទទួលមរណភាព ត្រូវបានដកហូតសិទ្ធិ ឬផ្លាស់ទីលំនៅចេញ ព្រមទាំងចុះឈ្មោះជូនប្រជាពលរដ្ឋដែលមានអាយុ ១៨ឆ្នាំឡើង (កើតមុន ឬត្រឹមថ្ងៃទី៧ ខែមិថុនា ឆ្នាំ២០០៩) អ្នកផ្លាស់ទីលំនៅចូលថ្មី អ្នកស្នើកែតម្រូវទិន្នន័យ និងអ្នកចុះឈ្មោះក្នុងឆ្នាំ២០១៦-២០១៧ ដែលមិនទាន់បានធ្វើបច្ចុប្បន្នភាពទិន្នន័យជីវមាត្រ (ថតរូប និងផ្តិតមេដៃ)។ អាស្រ័យហេតុនេះ សូមប្រជាពលរដ្ឋទាំងអស់រៀបចំឯកសារចាំបាច់ឱ្យបានគ្រប់គ្រាន់ ដើម្បីទៅចូលរួមពិនិត្យបញ្ជីឈ្មោះ និងចុះឈ្មោះបោះឆ្នោតឱ្យបានទាន់ពេលវេលា៕ 🌐[www.troryorng.com](https://troryorng.com/) 👉[JOIN US](http://t.me/troryorngmedia) —— Page [Troryorng News](https://www.facebook.com/TroryorngOfficial) Page [Troryorng TV](https://www.facebook.com/Yuvavey) Page [Troryorng សង្គម](https://www.facebook.com/troryorng.entertainment) Page [Troryorng Spots](https://www.facebook.com/troryorngsports)