勋爵高娜丽向柴桢省困难军属捐赠物资与现金

លោកជំទាវ ឧកញ៉ា កែវ ណារី ផ្ដល់អំណោយជូនក្រុមគ្រួសារវីរកងទ័ព មានជីវភាពខ្វះខាតរស់នៅក្នុងស្រុកស្វាយជ្រំ ខេត្តស្វាយរៀង នៅថ្ងៃទី១១ ខែឧសភា ឆ្នាំ២០២៦នេះ លោក ចាន់ ផល្លី ភ្នាក់ងារ News 007 បាននាំយកអំណោយរបស់ លោកជំទាវ ឧកញ៉ា កែវ ណារី ម្ចាស់សណ្ឋាគារណារីស្វិតក្រុងបាវិត ប្រគល់ជូនភរិយាវីរកងទ័ពដែលកំពុងមានជីវភាពខ្វះខាត មានកូនតូចៗក្នុងបន្ទុក ហើយគ្មានផ្ទះសម្បែង រស់នៅក្នុងភូមិទួលច្រេះ ឃុំចំបក់ ស្រុកស្វាយជ្រុំ ខេត្តស្វាយរៀង បច្ចុប្បន្នស្វាមីលោកស្រី ជាវីរកងទ័ពកំពុងឈរជើងនៅប្រាសាទតាមាន់។ ចំពោះអំណោយដែលបានផ្ដល់ជូនរួមមាន៖ អង្ករ១បេ មី២កេស ទឹកត្រី២យួរ ទឹកស៊ីអ៊ី២យួរ និងថវិកា ១លាន ២សែនរៀល។ ក្នុងនាមក្រុមគ្រួសារខាងលើ បានថ្លែងអំណរគុណយ៉ាងជ្រាលជ្រៅចំពោះ លោកជំទាវ ឧកញ៉ា កែវ ណារី និងក្រុមគ្រួសារ ដែលតែងតែជួយគិតគូរពីសុខទុក្ខ និងជីវភាពបងប្អូនកងទ័ព និងក្រុមគ្រួសារ ជាពិសេសប្រជាពលរដ្ឋដែលជួបទុក្ខលំបាក។ សូមគោរពជូនពរ លោកជំទាវ និងក្រុមគ្រួសារ សូមជួបនូវពុទ្ធពរ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕ https://www.facebook.com/share/v/18bWMn1Z43/