柬美重启Angkor Sentinel 2027联合军演 筹

កម្ពុជា-អាមេរិក ចាប់ផ្តើមរៀបចំផែនការសមយុទ្ធ Angkor Sentinel 2027 ឡើងវិញ ក្រុមមន្ត្រីយោធាមកពីបញ្ជាការកងទ័ពជើងគោកសហរដ្ឋអាមេរិកប្រចាំតំបន់ប៉ាស៊ីហ្វិក និងកងឆ្មាំជាតិរដ្ឋអៃដាហូ (Idaho Army National Guard) បានជួបពិភាក្សាជាមួយថ្នាក់ដឹកនាំកងយោធពលខេមរភូមិន្ទ និងមជ្ឈមណ្ឌលជាតិរក្សាសន្តិភាព (NPMEC) ដើម្បីពិភាក្សាអំពីការរៀបចំសន្និសីទអភិវឌ្ឍន៍គោលគំនិតសម្រាប់សមយុទ្ធ Angkor Sentinel 2027។ យោងតាមទំព័រហ្វេសបុកស្ថានទូតសហរដ្ឋអាមេរិកប្រចាំកម្ពុជា កិច្ចប្រជុំនេះធ្វើឡើងនៅរាជធានីភ្នំពេញ និងមជ្ឈមណ្ឌលហ្វឹកហ្វឺនប្រតិបត្តិការរក្សាសន្តិភាព ដោយមានការចូលរួមពីថ្នាក់ដឹកនាំជាន់ខ្ពស់ផ្នែកយោធានៃប្រទេសទាំងពីរ ដើម្បីរៀបចំផែនការសម្រាប់សមយុទ្ធដែលគ្រោងនឹងចាប់ផ្តើមឡើងវិញជាលើកដំបូង បន្ទាប់ពីបានផ្អាកចាប់តាំងពីឆ្នាំ២០១៦។ ការបន្តកិច្ចសហប្រតិបត្តិការនេះ ត្រូវបានចាត់ទុកថាជាការបង្ហាញពីការប្តេជ្ញាចិត្តរួមរបស់កម្ពុជា និងសហរដ្ឋអាមេរិក ក្នុងការពង្រឹងទំនាក់ទំនងយោធា ការលើកកម្ពស់សន្តិភាព ស្ថិរភាព និងការត្រៀមខ្លួនក្នុងតំបន់ឥណ្ឌូ-ប៉ាស៊ីហ្វិក។