柬埔寨新闻部官员访问越南统一医院 拟签署医疗合作协议

ឯកឧត្តម សុខ ប្រសិទ្ធិ អញ្ជើញទស្សនកិច្ចនិងចូលរួមកិច្ចប្រជុំជាមួយប្រធានមន្ទីរពេទ្យ Thong Nhat នៅទីក្រុងហូជីមិញ នាព្រឹកថ្ងៃទី១៨ ខែមិថុនា ឆ្នាំ២០២៦ ឯកឧត្តម សុខ ប្រសិទ្ធិ ទីប្រឹក្សាផ្ទាល់ សម្តេចមហាបវរធីបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជារដ្ឋលេខាធិការក្រសួងព័ត៌មាន បានអញ្ជើញទស្សនកិច្ចនៅមន្ទីរពេទ្យ Thong Nhat និងចូលរួមកិច្ចប្រជុំជា លោកសាស្ត្រាចារ្យវេជ្ជបណ្ឌិត LE DINH THANH ប្រធានមន្ទីរពេទ្យថុងញ៉ឹត Thong Nhat នៅទីក្រុងហូជីមិញ ប្រទេសវៀតណាម ដើម្បីពង្រឹងទំនាក់ទំនង នៃការផ្លាស់ប្តូរកិច្ចសហប្រតិបត្តិការក្នុងវិស័យបណ្តុះបណ្តាលតាមរយៈអាហារូបករណ៍ ជំនាញសុខាភិបាល និងការគាំទ្រដល់អ្នកជំនាញវេជ្ជសាស្ត្រ ព្រមទាំងសេវាកម្មថែទាំសុខភាព និងកិច្ចសហប្រតិបត្តិការបន្ថែមរហូតឈានដល់ការចុះអនុស្សរណៈរវាងគ្នាដើម្បីទទួលបានសេវាកម្មវេជ្ជសាស្រ្តសម្រាប់មន្រ្តីក្រសួះព័ត៌មាន។ គួរបញ្ជាក់ផងដែរថា មន្ទីរពេទ្យ Thong Nhat ជាមន្ទីរពេទ្យពហុជំនាញឈានមុខគេ ដែលមានជំនាញខាងជំងឺមនុស្សចាស់ និងការថែទាំសរសៃឈាមបេះដូង និងគ្រែចំនួន ៤០០ គ្រែ បានកើនឡើងដល់ជាង ១,១៣២ គ្រែ ដោយមានគោលដៅឈានដល់ ១,៣៥០ គ្រែនៅឆ្នាំ២០២៥ ហើយជាមន្ទីរពេទ្យត្រូវបានបង្កើតឡើងនៅឆ្នាំ **1975** បន្ទាប់ពីការបង្រួបបង្រួមប្រទេសវៀតណាម។ ដើមកំណើតរបស់វាពាក់ព័ន្ធនឹងមន្ទីរពេទ្យយោធា K71 ដែលធ្លាប់ជាមជ្ឈមណ្ឌលព្យាបាលសំខាន់មួយក្នុងអំឡុងសង្គ្រាម។ មន្ទីរពេទ្យ Thống Nhất ត្រូវបានគេចាត់ទុកថាជាមជ្ឈមណ្ឌលឈានមុខមួយសម្រាប់ការព្យាបាលមនុស្សចាស់នៅភាគខាងត្បូងវៀតណាម។ ដោយសារចំនួនប្រជាជនវ័យចាស់កើនឡើងយ៉ាងឆាប់រហ័ស មន្ទីរពេទ្យបានអភិវឌ្ឍជំនាញខ្ពស់ក្នុងការព្យាបាលជំងឺជាច្រើនប្រភេទដែលជួបប្រទះជាញឹកញាប់នៅមនុស្សវ័យចាស់ ជាពិសេសជំងឺជាច្រើន។ **——————** Connect with AKP: 🌐[Telegram ](https://t.me/TheAKP)🌐[Facebook ](https://www.facebook.com/akp.official/)🌐[Website ](http://akp.gov.kh/)👉[X](https://twitter.com/kampucheapresse) ([Twitter](https://twitter.com/kampucheapresse)) 🌐[Instagram](https://www.instagram.com/akp_news/) 🌐[TikTok](https://www.tiktok.com/@agencekampucheapresse) 🌐[YouTube](https://www.youtube.com/@agencekampucheapresse/featured) #CambodiaWantsPeace #JusticeForCambodia