特本克蒙省71号公路桥梁完工 告别雨季渡船出行

ស្ពានអណ្តោត ជាស្ពានមួយកន្លែងស្ថិតលើកំណាត់ផ្លូវជាតិលេខ៧១សេ ក្នុងភូមិសាស្ត្រភូមិឈូក ឃុំឈូក ស្រុកក្រូចឆ្មារ ខេត្តត្បូងឃ្មុំ។ ចំណុចនេះ តែងរងការជន់លិចនារដូវវស្សា ព្រោះជំនន់ទឹកទន្លេមេគង្គ។ ពេលមិនទាន់មានផ្លូវជាតិលេខ៧១សេ (តភ្ជាប់ស្រុកចំការលើ មកស្រុកត្បូងឃ្មុំ) ពលរដ្ឋតំបន់នេះត្រូវឆ្លងទូកជាមធ្យោបាយ។ បច្ចុប្បន្នមិនលំបាកទៀតនោះឡើយ ផ្លូវ និងស្ពាន ត្រូវបានលើកខ្ពស់មិនជនលិចនោះទេ។ ក្រៅពីសម្រួលការធ្វើដំណើរហើយនោះ ជំនន់ទឹកទន្លេមេគង្គដែលលិចល្ហល្ហេវនៅតំបន់នេះ ប្រៀបដូចជាសាគរទឹកសាប បង្កើតបានជាទស្សនីយភាពសម្រាប់ជាចំណីដួងនេត្រា ហើយក៏ជាកន្លែងលំហែឱរាសម្រាប់ប្រជាពលរដ្ឋទីជិតឆ្ងាយបំបាត់ការនឿយណាយរំសាយកង្វល់។ ទស្សនីយភាពនេះ បានអន្ទងដួងចិត្ត និងស្ទាក់ឃាត់អ្នកដំណើរឆ្លងកាត់ទីនោះ ឱ្យបន្ទច់បង្អាក់ដំណើរ ឬឈប់សំចត ដើម្បីគយគន់។