汇旺奖学金委员会完成数字化系统培训 提升管理效率

[来源: 柬埔寨国家电视台] [分类提示: NEWS] 标题: វគ្គបណ្ដុះបណ្ដាលស្ដីពី «ការប្រើប្រាស់ប្រព័ន្ធឌីជីថល អ.ម.ត» បញ្ចប់ដោយជោគជ័យ និងទទួលបានលទ្ធផលជាផ្លែផ្កា រាជធានីភ្នំពេញ៖ គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) បានរៀបចំវគ្គបណ្ដុះ បណ្ដាលស្ដីពី «ការប្រើប្រាស់ប្រព័ន្ធឌីជីថល អ.ម.ត» រយៈពេលមួយថ្ងៃពេញ នៅស្នាក់ការគណៈកម្មាធិការអាហារូបករណ៍ ដោយទទួលបានលទ្ធផលយ៉ាងជោគជ័យ និងផ្លែផ្កាជាទីមោទនៈ។  វគ្គបណ្តុះបណ្តាលនេះត្រូវបានដឹកនាំ និងសម្របសម្រួលដោយក្រុមការងារបច្ចេកទេស អ.ម.ត ដោយមានការអញ្ជើញចូលរួមពីសំណាក់ ឯកឧត្តម លោក ជំទាវ លោក លោកស្រី ជាប្រធានផ្នែក តំណាងមកពីស្ថាប័ន និងអង្គភាពពាក់ព័ន្ធនានា ព្រមទាំងក្រុមការងារប្រតិបត្តិអាហារូបករណ៍យ៉ាងកុះករ។ បេសកកម្មចម្បងនៃការរៀបចំវគ្គបណ្តុះបណ្តាលនេះ គឺដើម្បីពង្រឹងសមត្ថភាពដល់គ្រប់តួអង្គពាក់ព័ន្ធទាំងអស់ឱ្យយល់ដឹងកាន់តែច្បាស់អំពី៖ – ចំណេះដឹង និងនីតិវិធីបច្ចេកវិទ្យា៖ ការក្តាប់បាននូវរបៀបប្រើប្រាស់ប្រព័ន្ធឌីជីថល អ.ម.ត ឱ្យមានប្រសិទ្ធភាពខ្ពស់ និងស្របតាមបទដ្ឋានបច្ចេកវិទ្យាទំនើប។   – ការអនុវត្តផ្ទាល់ និងការផ្លាស់ប្តូរបទពិសោធ៖ ការផ្តល់ឱកាសជូនសិក្ខាកាមបានអនុវត្តលើប្រព័ន្ធជាក់ស្តែង លើកជាសំណួរ និងផ្លាស់ប្តូរមតិយោបល់ផ្ទាល់ជាមួយក្រុមការងារបច្ចេកទេស។   – ការបង្កើនគុណវុឌ្ឍិការងារ៖ ការទាញយកផលប្រយោជន៍ពីប្រព័ន្ធឌីជីថល ដើម្បីយកទៅឆ្លើយតប និងបំពេញភារកិច្ចរៀងៗខ្លួនឱ្យកាន់តែមានភាពឆាប់រហ័ស និងមានតម្លាភាពខ្ពស់។   តាមរយៈលទ្ធផលរំពឹងទុក វគ្គបណ្តុះបណ្តាលនេះនឹងក្លាយជាកាតាលីករយ៉ាងសំខាន់ក្នុងការជំរុញការងារអាហារូបករណ៍របស់ អ.ម.ត ឱ្យឈានទៅរកបរិវត្តកម្មឌីជីថលពេញលេញ ឆ្លើយតបទៅនឹងគោលនយោបាយអភិវឌ្ឍន៍ធនធានមនុស្សរបស់រាជរដ្ឋាភិបាលកម្ពុជា៕ —— —— —— Training Workshop on “AMT Digita