皇家金边大学举办GAIN项目培训 提升高等教育包容性

GAIN — Training of Trainers (ToT) ថ្ងៃទី៣១ ខែសីហា ឆ្នាំ២០២៦៖ ក្រុមការងារ GAIN នៃសាកលវិទ្យាល័យភូមិន្ទភ្នំពេញ (RUPP) បានចូលរួមក្នុងកម្មវិធី GAIN-Training of Trainers (ToT) ដែលរៀបចំឡើងក្នុងគោលបំណងពង្រឹងចំណេះដឹង សមត្ថភាព និងជំនាញរបស់ក្រុមការងារ ក្នុងការអនុវត្ត និងលើកកម្ពស់គោលការណ៍ ការអប់រំប្រកបដោយបរិយាបន្ន នៅក្នុងគ្រឹះស្ថានឧត្តមសិក្សា។ តាមរយៈកម្មវិធីបណ្តុះបណ្តាលនេះ ក្រុមការងារ សាកលវិទ្យាល័យភូមិន្ទភ្នំពេញ បានចូលរួមសិក្សា និងផ្លាស់ប្តូរបទពិសោធន៍អំពី វិធីសាស្ត្របណ្តុះបណ្តាល ឧបករណ៍វាយតម្លៃ និងយុទ្ធសាស្ត្រលើកកម្ពស់បរិយាបន្ន ព្រមទាំងចូលរួមក្នុងការពិភាក្សា ការងារជាក្រុម និងសកម្មភាពអនុវត្តជាក់ស្តែង។ ការចូលរួមក្នុងកម្មវិធី Training of Trainers (ToT) នេះ គឺជាឱកាសដ៏មានសារៈសំខាន់សម្រាប់ការអភិវឌ្ឍសមត្ថភាពរបស់ក្រុមការងារ សាកលវិទ្យាល័យភូមិន្ទភ្នំពេញ និងការពង្រឹងការត្រៀមខ្លួន ដើម្បីបន្តចែករំលែកចំណេះដឹង និងគាំទ្រដល់ការអនុវត្តសកម្មភាពបរិយាបន្ននៅក្នុងស្ថាប័ន។ សាកលវិទ្យាល័យភូមិន្ទភ្នំពេញ រួមគ្នាពង្រឹងសមត្ថភាព ដើម្បីលើកកម្ពស់ការអប់រំប្រកបដោយបរិយាបន្ន សមធម៌ និងគុណភាព។ #GAIN #TrainingOfTrainers #ToT #RUPP #InclusiveEducation #HigherEducation #Inclusion