洪玛奈指示东北四省加强边境安全与投资便利化

សម្ដេច ហ៊ុន ម៉ាណែត ណែនាំរដ្ឋបាលខេត្តទាំង៤ នៅភូមិភាគឦសាន ឱ្យបន្តថែរក្សាសន្តិភាព និងស្ថិរភាពនយោបាយ ពង្រឹងសន្តិសុខ សណ្តាប់ធ្នាប់ និងសុវត្ថិភាពសង្គម ព្រមទាំងរក្សាទំនាក់ទំនងល្អជាមួយអាជ្ញាធរ និងកងកម្លាំងប្រទេសជិតខាង។ ជាមួយគ្នានេះ ត្រូវបន្តកែលម្អសេវាសាធារណៈ ដោយពង្រឹងសីលធម៌វិជ្ជាជីវៈ ការទទួលខុសត្រូវ និងភាពស្អាតស្អំរបស់មន្ត្រី តាមស្មារតី "មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ" ព្រមទាំងពង្រឹងការត្រៀមឆ្លើយតបគ្រោះមហន្តរាយធម្មជាតិ។ សម្ដេចធិបតីក៏បានណែនាំឱ្យក្រសួង ស្ថាប័ន និងរដ្ឋបាលខេត្តទាំង៤ ពង្រឹងកិច្ចសហការអនុវត្តកម្មវិធីពិសេសជំរុញការវិនិយោគខេត្តភាគឦសាន ឆ្នាំ២០២៥-២០២៨ ប្រកបដោយប្រសិទ្ធភាព តម្លាភាព និងគណនេយ្យភាព ដោយផ្តោតលើការទប់ស្កាត់ការទន្ទ្រានដី និងដោះស្រាយបញ្ហា "មានដីអត់ទុន មានទុនអត់ដី"។ ទន្ទឹមនេះ ត្រូវពង្រឹងការតាមដានទីតាំងវិនិយោគ សម្រួលនីតិវិធីរដ្ឋបាល និងជំរុញការផ្តល់វិញ្ញាបនបត្រអនាម័យ និងភូតគាមអនាម័យនៅតាមច្រកព្រំដែន ដើម្បីបង្កើតបរិយាកាសវិនិយោគកាន់តែល្អប្រសើរ។ [**Join AMS One-minute**](https://t.me/ams1minute)