柬埔寨司法部启动反暴力侵害女性国家行动计划 2025至2030

**លោកជំទាវ ម៉ៅ ភិរុណ អនុរដ្ឋលេខាធិការក្រសួងយុត្តិធម៌ និងជាអនុប្រធានគណៈកម្មការយេនឌ័រប្រចាំក្រសួងយុត្តិធម៌ បានចូលរួមក្នុងកិច្ចប្រជុំអន្តរក្រសួង ដើម្បីពិនិត្យ និងពិភាក្សាលើសេចក្តីព្រាងផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រី ឆ្នាំ២០២៥-២០៣០** ==================== **នៅថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ លោកជំទាវ ម៉ៅ ភិរុណ អនុរដ្ឋលេខាធិការក្រសួងយុត្តិធម៌ និងជាអនុប្រធានគណៈកម្មការយេនឌ័រប្រចាំក្រសួងយុត្តិធម៌ អមដោយ ឯកឧត្តម លាវ ពិសិដ្ឋ អគ្គនាយករងក្រសួងយុត្តិធម៌ និជាសមាជិកគណៈកម្មការយេនឌ័រប្រចាំក្រសួងយុត្តិធម៌ បានចូលរួមក្នុងកិច្ចប្រជុំអន្តរក្រសួង ដើម្បីពិនិត្យ និងពិភាក្សាលើសេចក្តីព្រាងផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រី ឆ្នាំ២០២៥-២០៣០ ។** ការរៀបចំផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រីនេះ គឺជាការបន្តរួមចំណែកដ៏សំខាន់ក្នុងការអនុវត្ត កម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧នៃរដ្ឋសភា និងការអនុវត្តអនុសញ្ញា ស៊ី-ដ ពិធីសារបន្ថែមលើអនុសញ្ញានេះ និងលិខិតតុបករណ៍អន្តរជាតិនានា។ ផែនការសកម្មភាពជាតិនេះ ក៏ត្រូវបានរៀបចំឡើងដោយមានគោលបំណងកាត់បន្ថយអំពើហិង្សាលើស្ត្រី រួមទាំងក្រុមដែលមានហានិភ័យខ្ពស់ តាមរយៈការបង្កើតកិច្ចអន្តរាគមន៍ ការបង្ការទប់ស្កាត់ ការបង្កើនការឆ្លើយតប ការទទួលបានសេវាប្រកបដោយគុណភាព និងការសម្របសម្រួលពហុវិស័យនិងកិច្ចសហការ។