伊朗向以色列发射导弹 中东局势升级引发全球担忧

**ហានិភ័យនៃការផ្ទុះសង្គ្រាមធំជាថ្មីកំពុងកើនឡើង ក្រោយអ៊ីរ៉ង់បានបាញ់មីស៊ីលជាច្រើនគ្រាប់លើអ៊ីស្រាអែល ប្រទេសអ៊ីរ៉ង់ កាលពីថ្ងៃអាទិត្យម្សិលមិញនេះ ត្រូវបានរាយការណ៍ថា បានបាញ់មីស៊ីលជាច្រើនគ្រាប់ ចូលទៅក្នុងប្រទេសអ៊ីស្រាអែល ខណៈដែលបទឈប់បាញ់ដ៏ផុយស្រួយរវាងទីក្រុងវ៉ាស៊ីនតោន និងតេអេរ៉ង់ នៅតែស្ថិតក្នុងភាពជាប់គាំង មិនទាន់រកច្រកចេញឃើញ។ ទោះយ៉ាងណា នៅថ្ងៃដដែលនោះ លោក ដូណាល់ ត្រាំ ប្រធានាធិបតីអាម៉េរិក បានបញ្ជាក់ថា លោកនឹងប្រាប់ទៅកាន់នាយករដ្ឋមន្ត្រី អ៊ីស្រាអែល លោក ប៊ិនចាមីន ណេតាន់យ៉ាហ៊ូ កុំឱ្យវាយប្រហារសងសឹកអ៊ីរ៉ង់ ដើម្បីបញ្ជៀសស្ថានការណ៍កុំឱ្យតានតឹងខ្លាំងជាងនេះ។ អ៊ីរ៉ង់បាននិយាយជាយូរមកហើយថា កិច្ចព្រមព្រៀងសន្តិភាពណាមួយជាមួយសហរដ្ឋអាមេរិកនឹងអាស្រ័យលើបទឈប់បាញ់ដែលកំពុងធ្វើឡើងនៅប្រទេសលីបង់។ តាំងពីខែមីនាមក ប្រទេស លីបង់ ត្រូវបានអ៊ីស្រាអែលចូលលុកលុយ ដើម្បីតាមប្រមាញ់ក្រុមហេសបូឡា ដែលគាំទ្រដោយអ៊ីរ៉ង់។ ប៉ុន្តែ អ៊ីស្រាអែលកាលពីថ្ងៃអាទិត្យ បានបើកការវាយប្រហារនៅតំបន់បេរូត ជាលើកដំបូងចាប់តាំងពីសហរដ្ឋអាមេរិកបានប្រកាសផែនការឈប់បាញ់សម្រាប់ប្រទេសលីបង់កាលពីសប្តាហ៍មុនមក។ ទង្វើនេះ ត្រូវបានអ៊ីរ៉ង់ចោទប្រកាន់ថា ជាការរំលោភបំពានបទឈប់បាញ់។**