柬埔寨司法部完成第9届书记官分配 98名毕业生获录用

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញចូលរួមក្នុងពិធីជ្រើសរើសទីកន្លែងបម្រើការងារសម្រាប់សិស្សក្រឡាបញ្ជី ជំនាន់ទី៩ សរុបចំនួន ៩៨នាក់ ==================== នារសៀល ថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញចូលរួមក្នុងពិធីជ្រើសរើសទីកន្លែងបម្រើការងារសម្រាប់សិស្សក្រឡាបញ្ជី ជំនាន់ទី៩ នៅបណ្ឌិត្យសភាភូមិន្ទយុត្តិធម៌កម្ពុជា។ ក្នុងពិធីនេះ បានធ្វើការជ្រើសរើសទីកន្លែងបម្រើការងារសម្រាប់សិស្សក្រឡាបញ្ជី ជំនាន់ទី៩ មានចំនួនសរុប ៩៨នាក់ (ស្រី ៤១នាក់) ដែលបានចាប់ផ្តើមការបណ្តុះបណ្តាលនៅថ្ងៃទី២៦ ខែមិថុនា ឆ្នាំ២០២៤ និងបានបញ្ចប់ការបណ្តុះបណ្តាលវិញនៅថ្ងៃទី៩ ខែកម្ភៈ ឆ្នាំ២០២៦ ប្រកបដោយជោគជ័យ ជាស្ថាពរ។ ការជ្រើសរើសកន្លែងបម្រើការងារនេះ បានធ្វើតាមគោលការណ៍ឧត្តមភាពនៃពិន្ទុចំណាត់ថ្នាក់ប្រចាំជំនាន់ ដែលសិស្សម្នាក់ៗទទួលបាន។