柏威夏省62号公路大树倒塌 交通一度受阻

នៅរសៀលថ្ងៃទី៤ ខែតុលា ឆ្នាំ២០២៦ ដោយសារតែមានភ្លៀងធ្លាក់ខ្លាំងលាយឡំជាមួយខ្យល់កន្ត្រាក់ បានបណ្ដាលឱ្យដើមឈើធំមួយដើមដួលរលំទទឹងផ្លូវ នៅលេីផ្លូវជាតិលេខ៦២ ក្នុងស្រុករវៀងខេត្តព្រះវិហារ​ កែងផ្លូវបត់ទៅស្រុកជ័យសែន។ ហេតុការណ៍ដែលបណ្តាលមកពីគ្រោះធម្មជាតិមួយនេះ បានធ្វើឱ្យប៉ះពាល់ និងរាំងស្ទះដល់ការធ្វើដំណើររបស់ប្រជាពលរដ្ឋតាមដងផ្លូវ តែមិនបានបណ្ដាលឱ្យមានមនុស្សណាម្នាក់រងរបួសនោះទេ។ អាជ្ញាធរ និងសមត្ថកិច្ចមូលដ្ឋាន បានជួយអន្តរាគមន៍ជួយអារកាត់យកចេញ ដេីម្បីឲ្យបងប្អូនអាចធ្វេីដំណេីរឆ្លងកាត់វិញបាន។