柬泰边境学校被占用引发关注

សៀម បានយកសាលារៀនរបស់កម្ពុជា ដែលវាឈ្លានពានមកធ្វេីជាទីតាំងលេនដ្ឋាន កុមារភ័យខ្លាច ថ្នាក់រៀនបាត់បង់ស្នាមញញឹម៖ យោធាថៃយកសាលារៀននៅបឹងត្រកួនធ្វើជាលេណដ្ឋាន !! ស្នាមញញឹម និងសំឡេងអានសៀវភៅរបស់កុមារតូចៗកម្ពុជាត្រូវជំនួសដោយភាពភ័យខ្លាច ថ្នាក់រៀនដែលជាទីផ្សព្វផ្សាយចំណេះដឹង និងកសាងអនាគត ស្ថិតនៅសាលាបឋមសិក្សាសាមគ្គីច្រក (ភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ) ក្នុងតំបន់បឹងត្រកួន ត្រូវបានយោធាថៃរំលោភបំពាន ដោយយកធ្វើជាលេណដ្ឋានបម្រើសកម្មភាពឈ្លានពាន។ អំពើបំពាននេះមិនត្រឹមតែបំផ្លាញជម្រកអប់រំប៉ុណ្ណោះទេ ប៉ុន្តែបានបន្សល់ទុកនូវការឈឺចាប់ និងការរំលោភលើសិទ្ធិរស់នៅដោយសន្តិភាពរបស់កុមារនៅតំបន់ព្រំដែនយ៉ាងធ្ងន់ធ្ងរ។