朝鲜海军部署Kang Kon号驱逐舰强化核作战能力

គណៈកម្មាការយោធាកូរ៉េខាងជើង ចាត់តាំងនាវាពិឃាត Kang Kon ឱ្យដឹកនាំ និងពង្រឹងសមត្ថភាពកងនាវានុយក្លេអ៊ែរជើងទឹក ព្យុងយ៉ាង៖ កូរ៉េខាងជើង បានចេញសេចក្តីសម្រេចចិត្តមួយ ដោយបានចាត់តាំង និងដាក់ឱ្យដំណើរការនាវាពិឃាតចម្បាំងទំនើប Kang Kon ឱ្យចូលរួមបេសកកម្មយោធាស្នូល ក្នុងការដឹកនាំ និងរុញច្រានសមត្ថភាពប្រតិបត្តិការរបស់ «កងនាវានុយក្លេអ៊ែរ» នៃកងទ័ពជើងទឹក(KPN)។ ផ្អែកតាមសេចក្តីរាយការណ៍ពីទីភ្នាក់ងារសារព័ត៌មានរដ្ឋកូរ៉េខាងជើង នាវាពិឃាត Kang Kon ដែលត្រូវបានប្រសិទ្ធនាមតាមឈ្មោះវីរបុរសយោធាដ៏សំខាន់របស់កូរ៉េខាងជើង ត្រូវបានបំពាក់ដោយប្រព័ន្ធគ្រឿងចក្រ និងអាវុធយុទ្ធសាស្ត្រទំនើបៗ រួមមាន ប្រព័ន្ធបាញ់មីស៊ីលគ្រូសវាយប្រហាររយៈឆ្ងាយ ដែលអាចបំពាក់ក្បាលគ្រាប់នុយក្លេអ៊ែរយុទ្ធវិធី ប្រព័ន្ធការពារអាកាសចរណ៍សហសម័យ និងឧបករណ៍សង្គ្រាមអេឡិចត្រូនិក។ ការចាត់តាំងនាវានេះឱ្យចូលរួមក្នុងកងនាវានុយក្លេអ៊ែរ គឺជាផ្នែកមួយនៃផែនការប្រែក្លាយកងទ័ពជើងទឹកកូរ៉េខាងជើងឱ្យទៅជា «កម្លាំងទប់ស្កាត់នុយក្លេអ៊ែរលើផ្ទៃសមុទ្រ» ដើមី្បឆ្លើយតបនឹងវត្តមានក្រុមនាវាផ្ទុកយន្តហោះ និងនាវាមុជទឹកនុយក្លេអ៊ែររបស់សហរដ្ឋអាមេរិក និងសម្ព័ន្ធមិត្តនៅក្នុងតំបន់។ [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech)