铁桥头区政府澄清 涉事安保非政府人员

រដ្ឋបាលសាលាខណ្ឌច្បារអំពៅ បានបញ្ជាក់ថា ក្រុមសន្តិសុខ ដែលដកហូតម្ជូរពីក្មេងប្រុសម្នាក់ ជាក្រុមសន្តិសុខរបស់ក្រុមហ៊ុនឯកជននៅតំបន់អភិវឌ្ឍន៍កោះនរា មិនមែនជាកម្លាំងសណ្តាប់ធ្នាប់របស់សាលាខណ្ឌនោះឡើយ។ សាលាខណ្ឌច្បារអំពៅអះអាងថា ក្រុមសន្តិសុខទាំងនេះ ធ្វើឡើងដោយមិនបានរាយការណ៍ និងសុំសហការជាមួយសាលាខណ្ឌនោះទេ ហើយសាលាខណ្ឌនឹងស្រាវជ្រាវបន្ថែមទៀត ដើម្បីចាត់វិធានការកុំឲ្យមានបាតុភាពនេះកើតឡើងទៀត។ សូមបញ្ជាក់ថា វីដេអូដែលកម្លាំងសន្តិសុខដកហូតម្ជូរពីក្មេងប្រុសម្នាក់នេះ ត្រូវបានគេចែកចាយពេញបណ្តាញសង្គម អមដោយសាររិះគន់ និងវាយប្រហារយ៉ាងខ្លាំង។