劳工部启动边境劳工援助项目 获联合国及日本资金支持

លោកស្រី Sandra Bernklau អ្នកសម្របសម្រួលអង្គការសហប្រជាជាតិប្រចាំកម្ពុជាស្តីទី និងជានាយិកាមូលនិធិសហប្រជាជាតិសម្រាប់ប្រជាជន (UNFPA) បានថ្លែងនូវការកោតសរសើរឯកឧត្តម ហេង សួរ រដ្ឋមន្រ្តីក្រសួងការងារនិងបណ្ដុះបណ្ដាលវិជ្ជាជីវៈ ចំពោះភាពជាអ្នកដឹកនាំ និងការចាត់វិធានការយ៉ាងឆាប់រហ័ស ក្នុងការជួយអន្តរាគមន៍ដល់ពលករត្រឡប់ពីប្រទេសថៃមកវិញប្រកបដោយភាពម៉ឺងម៉ាត់ និងការប្តេជ្ញាចិត្តក្នុងការជួយឱ្យប្រជាជនវិលត្រឡប់ទៅរកការងារ និងការស្តារជីវភាពរស់នៅជាធម្មតាឡើងវិញក្នុងរយៈពេលដ៏ខ្លី ដែលផ្តល់ផលប្រយោជន៍ទាំងនិយោជក និងបងប្អូនកម្មករនិយោជិត។ ទន្ទឹមនឹងនេះ លោកស្រីក៏បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលជប៉ុនផងដែរ សម្រាប់ការផ្តល់ថវិកាសប្បុរសធម៌ដ៏មានសារៈសំខាន់និងទាន់ពេលវេលានេះ។ លោកស្រីបានថ្លែងបែបនេះ នៅក្នុងពិធីដាក់ឱ្យដំណើរការជាផ្លូវការនូវគម្រោង «ការឆ្លើយតបទៅនឹងតម្រូវការបន្ទាន់របស់ជនទេសន្តរប្រវេសន៍ និងជនភៀសសឹកដែលងាយរងគ្រោះដោយសារវិបត្តិព្រំដែនកម្ពុជា-ថៃ និងការកសាងភាពធន់នឹងវិបត្តិ» កាលពីថ្ងៃទី១៧ ខែមិថុនា ឆ្នាំ២០២៦ នៅសណ្ឋាគារ Hyatt Regency៕ #MLVT #HENGSour