柬埔寨卫生部举办世界患者安全日亮灯活动

ទិវាពិភពលោកសុវត្ថិភាពអ្នកជំងឺ ក្រោមប្រធានបទ «ការថែទាំប្រកបដោយសុវត្ថិភាព សម្រាប់ជំងឺមិនឆ្លង» ជាមួយនឹងពាក្យស្លោក «ការថែទាំប្រកបដោយសុវត្ថិភាពពេញមួយជីវិត»។ ដើម្បីចូលរួមអបអរសាទរ ទិវាសុវត្ថិភាពអ្នកជំងឺពិភពលោកឆ្នាំ២០២៦ ក្រសួងសុខាភិបាល បានរៀបចំបញ្ចាំងភ្លើងពណ៌ទឹកក្រូច នៃអគារ មន្ទីរពេទ្យនានាទូទាំងប្រទេស។ «ពណ៌ទឹកក្រូច» តំណាង​ឱ្យ​តួនាទី​សំខាន់​នៃសុវត្ថិភាពអ្នកជំងឺ ដែលជាតួនាទីរបស់ប្រទេសជាសមាជិក​ក្នុងការខិតខំប្រឹងប្រែង ដើម្បីសម្រេចបាននូវ ការគ្របដណ្តប់សុខភាពជាសាកល និងតំណាងឱ្យការពិចារណា និងសាមគ្គីភាព​ក្នុងការ​លើក​កម្ពស់ការយកចិត្តទុកចំពោះសុវត្ថិភាពអ្នកជំងឺ។ កាយវិការនេះជានិមិត្តរូប តំណាងឱ្យការទទួលស្គាល់ជា​សាធារណៈដែលអាច​មើល​ឃើញ​យ៉ាងច្បាស់អំពីការខិតខំប្រឹងប្រែងរបស់បុគ្គលិកសុខាភិបាលកម្ពុជា ក៏ដូចជាបុគ្គលិកសុខាភិបាលទូទាំងពិភពលោក ក្នុងការបម្រេីសេវាថែទាំសុខភាព ប្រកបដោយសុវត្ថិភាពជារៀងរាល់ថ្ងៃ សម្រាប់អ្នកជំងឺគ្រប់រូប។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)