金速卡与英国大使会晤 讨论柬泰边境局势

លោកស្រី កឹម មនោវិទ្យា ពិភាក្សាការងារជាមួយទូតអង់គ្លេសពីស្ថានការណ៍តាមបណ្តោយព្រំដែនកម្ពុជា-ថៃ ឯកអគ្គរាជទូតអង់គ្លេសប្រចាំនៅកម្ពុជា លោក Dominic ឮបានជួបពិភាក្សាជាមួយ លោកស្រី កឹម មនោវិទ្យា ប្រេសិតពិសេសរបស់នាយករដ្ឋមន្ត្រី ដោយ ភាគីទាំងពីរបានពិភាក្សាអំពីតួនាទីថ្មីរបស់លោកជំទាវ ព្រមទាំងបានចែករំលែកទស្សនៈរៀងៗខ្លួនអំពីស្ថានការណ៍តាមបណ្តោយព្រំដែនកម្ពុជា-ថៃ ការចូលរួមរបស់កម្ពុជាក្នុងកិច្ចការអន្តរជាតិ និងសារៈសំខាន់នៃការបន្តកិច្ចសន្ទនា។ នេះបើតាមសំណេរនៅលើទំព័រហ្វេសប៊ុកផ្លូវការរបស់ស្ថានទូតអង់គ្លេសប្រចាំនៅកម្ពុជា ផ្សាយនាល្ងាចថ្ងៃទី១ ខែកញ្ញា នេះ។ ស្ថានទូតអង់គ្លេសប្រចាំនៅកម្ពុជាសង្កត់ធ្ងន់ថា ÷"យើងនៅតែប្តេជ្ញាចិត្តបន្តចូលរួមជាមួយគ្រប់ភាគីពាក់ព័ន្ធ ដើម្បីគាំទ្រដល់ការស្វែងរកដំណោះស្រាយដោយសន្តិវិធី ចំពោះភាពតានតឹងនៅតាមបណ្តោយព្រំដែន។"។ គួរកត់សម្គាល់ថា នេះគឺជាលើកទី ២ ហើយ ដែលលោកស្រីកឹម មនោវិទ្យា ក្នុងឋានៈជាប្រេសិទ្ធពិសេសរបស់នាយករដ្ឋមន្ត្រីកម្ពុជា បានទទួលជួបពិភាក្សាជាមួយអង្គទូតបរទេស ស្របពេលដែលជំនួបលើកទីមួយគឺលោកស្រី បានជួបជាមួយឯកអគ្គរដ្ឋទូតសហភាពអឺរ៉ុប Igor Driesmans ដោយផ្ដោតលើបញ្ហាព្រំដែនកម្ពុជា-ថៃនិងការវិនិយោគ៕ ដោយ/ ង៉ិល ណារ៉ាត់