克罗奇马省遭遇洪灾 灾害管理委员会赴现场视察

[来源: 柬埔寨国家电视台] [分类提示: NEWS] 标题: ឯកឧត្តម គីម វីរៈ អញ្ជើញចុះពិនិត្យស្ថានភាពទឹកជំនន់ និងផលប៉ះពាល់ប្រជាពលរដ្ឋ ក្នុងខេត្តត្បូងឃ្មុំ នាថ្ងៃទី២២ ខែសីហា ឆ្នាំ២០២៦ ឯកឧត្តម គីម វីរៈ អនុប្រធាន និងជាអគ្គលេខាធិការ នៃគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តមកិត្តិសង្ហបណ្ឌិត គន់ គីម ទេសរដ្ឋមន្រ្តី​ អនុប្រធានទី១ គ.ជ.គ.ម. បានអញ្ជើញចុះពិនិត្យស្ថានភាពទឹកជំនន់ និងផលប៉ះពាល់ប្រជាពលរដ្ឋនៅក្នុងស្រុកត្បូងឃ្មុំ ខេត្តត្បូងឃ្មុំ។ ក្នុងនោះ ក៏មានការអញ្ជេីញចូលរួមពី ឯកឧត្តម អ៊ុំ សុខ អនុប្រធាន គ.ជ.គ.ម. , ឯកឧត្តម គន់ រ័ត្នមុនី អភិបាលរងខេត្តត្បូងឃ្មុំ និងមន្រ្តីជំនាញ។ ស្ថានភាពទឹកជំនន់នៅខេត្តត្បូងឃ្មុំ បានប៉ះពាល់ដល់ស្រុកចំនួន២ រួមមាន ស្រុកត្បូងឃ្មុំ និងស្រុកក្រូចឆ្មារ ស្មេី ៧ឃុំ។ ប្រជាពលរដ្ឋប៉ះពាល់សរុបប្រមាណចំនួន ៥៩៦គ្រួសារ និងត្រូវបានជម្លៀសទៅកាន់ទីទួលសុវត្ថិភាពប្រមាណ ៥២៦គ្រួ សារ និងប៉ះពាល់ដំណាំកសិកម្មមួយចំនួន។  បច្ចុប្បន្ន អាជ្ញាធរបានរៀបចំ ទីទួលសុវត្ថិភាពចំនួន៥កន្លែង សម្រាប់ទទួលប្រជាពលរដ្ឋដែលត្រូវបានជម្លៀស រួមមាន ទួលឧកញ៉ា អាន ម៉ាឌី, ទួលឧកញ៉ា វ័ន ប៊ុនថៃ, ទួលបេង, ទួលវត្តសុវណ្ណមាលី និងគល់ស្ពានទួលខ្សាច់។ ជាមួយគ្នានេះ សត្វពាហនៈសរុបចំនួន ៧០២ក្បាល ក៏ត្រូវបានជម្លៀសទៅកាន់ទីតាំងមានសុវត្ថិភាពផងដែរ។ ក្នុងអំឡុងពេលចុះពិនិត្យ ឯកឧត្តម គីម វីរៈ បានផ្តោតការយកចិត្តទុកដាក់លើស្ថានភាពប្រជាពលរដ្ឋដែលកំពុងស្នាក់ នៅតាមទីទួលសុវត្ថិភាព ជាពិសេសការធានាឱ្យមានទឹកស្អាត អនាម័យ បង្គន់អនាម័យ ភ្លើងបំភ្លឺ និងលក្ខខណ្ឌចាំបាច់ផ្សេងៗ ដើម្បីធានាថាការជម្លៀសប្រជាពលរដ្ឋមិនត្រឹមតែជាការផ្លាស់ទីចេញពីតំបន់ប្រឈមហានិភ័យប៉ុណ្ណោះទេ ប៉ុន្តែត្រូវធានាបាននូវសុវត្ថិភាព និងសុខុមាលភាពរបស់ពួកគេនៅទីតាំងសុវត្ថិភាពផងដែរ។ បច្ចុប្បន្ន លេខាធិការដ្ឋាន គណ:កម្មាធិការគ្