泰国南部足球赛遭雷击 1名球员不幸身亡12人受伤

**កីឡាករបាល់ទាត់ថៃម្នាក់ បានបាត់បង់ជីវិត និង ១២ នាក់ផ្សេងទៀត (រួមទាំងកីឡាករម៉ាឡេស៊ីម្នាក់) បានរងរបួស បន្ទាប់ពីរន្ទះបាញ់ចំទីលានបាល់ទាត់ក្នុងក្រុងស៊ូង៉ៃកូឡុក ខេត្តណារ៉ាធិវ៉ាត់ ភាគខាងត្បូងថៃ កាលពីល្ងាចថ្ងៃអង្គារ។ ហេតុការណ៍នេះបានកើតឡើងនៅវេលាម៉ោងប្រមាណ ៥:៣០ នាទីល្ងាច ចំពេលមានភ្លៀងធ្លាក់ខ្លាំង ក្នុងអំឡុងការប្រកួតពាក់កណ្តាលផ្តាច់ព្រ័ត្រនៃពានរង្វាន់ Golok FA Cup នៅកីឡាដ្ឋាន Santiphap រវាងក្រុមកីឡាករថៃ និងម៉ាឡេស៊ី។**   ជនរងគ្រោះដែលបានស្លាប់ត្រូវបានស្គាល់ថាជាកីឡាករឈ្មោះ Sofwan Awae អាយុ ២៤ ឆ្នាំ ជាកីឡាករថ្មីរបស់ថៃ ដែលទើបតែចុះកិច្ចសន្យាបានប៉ុន្មានថ្ងៃមុនពេលកើតហេតុ។   ក្រោយកើតហតុ ក្រុមគ្រូពេទ្យសង្គ្រោះបន្ទាន់បានខិតខំប្រឹងប្រែងជួយសង្រ្គោះ បុន្តែកីឡាករជនជាតិថៃរូបនេះនៅតែបាត់បង់ជីវិតដោយសាររបួសធ្ងន់ធ្ងរពេក។ ចំណែក កីឡាករជនជាតិម៉ាឡេស៊ីដែលរងរបួស មានឈ្មោះថា Mohammad Alif Ezzahan Zulkifli អាយុ ២២ ឆ្នាំ រួមទាំង កីឡាករដែលរងរបួសទាំងអស់ផ្សេងទៀត ត្រូវបានបញ្ជូនទៅព្យាបាលនៅមន្ទីរពេទ្យ Sungai Golok។   សហព័ន្ធបាល់ទាត់ថៃ បានសម្តែងការចូលរួមរំលែកទុក្ខយ៉ាងក្រៀមក្រំជូនចំពោះគ្រួសារ សាច់ញាតិ និងអ្នកពាក់ព័ន្ធទាំងអស់ ចំពោះការបាត់បង់កីឡាករជនជាតិថៃរូបនេះ៕