西港发生蓄意谋杀案 嫌疑人因情感纠纷被捕

⭕️ ក្រុងព្រះសីហនុ៖ ឃាតករដែលសម្លាប់ស្ត្រីរងគ្រោះ នៅឆ្នេរត្រេះ កាលពីវេលាម៉ោង ៩និង៣០នាទីយប់ ​ថ្ងៃទី១៤ ខែឧសភា​​ ឆ្នាំ២០២៦​ ស្ថិតនៅបន្ទប់ទឹកលេខ ៩ ភូមិ​៦​ សង្កាត់លេខ​៤​ ក្រុង​-ខេត្តព្រះសីហនុ​​ បច្ចុប្បន្នសមត្ថកិច្ចឃាត់ខ្លួនបានហើយ ។ សូមរម្លឹកថា៖ មានករណី ឃាតកម្មគិតទុកជាមុន បង្កឡើងដោយជនសង្ស័យម្នាក់ ភេទស្រី បានធ្វើសកម្មភាព យកកាំបិតចុងស្រួច ដងឈើ ដាក់ក្នុងថង់យកម៉ាស់រុំ ទៅជួបជនរងគ្រោះ បន្ទាប់មកពួកគេបានឈ្លោះប្រកែកគ្នាមួយស្ទុះ ស្រាប់តែជនសង្ស័យបានដកកាំបិតពីក្នុងថង់ ទៅអារ ក ជនរងគ្រោះ បណ្តាលអោយស្លាប់នៅកន្លែងកើតហេតុតែម្តង ។ បន្ទាប់ពីធ្វើសកម្មភាពរួច ជនសង្ស័យបានជិះម៉ូតូគេចខ្លួនពីកន្លែងកើតហេតុបាត់។ គួរបញ្ជាក់ថា៖ កន្លងមក ជនសង្ស័យ និងជនរងគ្រោះ ជាមនុស្សស្រីស្រលាញ់ភេទដូចគ្នា ដែលមានមនោសញ្ជេតនាស្នេហានេះ រយៈពេលប្រហែល២ឆ្នាំ មកហើយ។ បន្ទាប់ពីទទួលព័ត៌មាននេះ កម្លាំងសមត្ថកិច្ចជំនាញ ព្រហ្មទណ្ឌ របស់ស្នងការដ្ឋាននគរបាលខេត្តព្រះសីហនុ បានសហការជាមួយ អធិការដ្ឋាននគរបាក្រុងព្រះសីហនុ និងប៉ុស្តិ៍នគរបាលរដ្ឋបាលសង្កាត់លេខ ១ និង២ បានធ្វើការស្រាវជ្រាវតាមជំនាញ រហូតដល់វេលាម៉ោងប្រហែល ៣និង២០នាទីរំលងអាធ្រាត ឈានចូលថ្ងៃទី ១៥ ខែឧសភា ឆ្នាំ២០២៦ ទើបសមត្ថកិច្ចឃាត់ខ្លួនជនសង្ស័យ បាន នៅចំណុច ក្រោមផ្លូវល្បឿនលឿន ក្រុមទី១៧ ភូមិ១ សង្កាត់លេខ ១ ក្រុង-ខេត្តព្រះសីហនុ យកទៅស្នងការដ្ឋាននគរបាលខេត្តព្រះសីហនុ ដើម្បីធ្វើការសាកសួរនាំ ។ • ជនរងគ្រោះ (សព)ឈ្មោះ​ តាំង​ ស្រីនិច​ ភេទ​ស្រី​​ ជនជាតិ​ខ្មែរ​ ថ្ងៃ-ខែ-ឆ្នាំកំណើត​៖​ ថ្ងៃទី២០​ ខែវិច្ឆិកា​​​​​។ • ជនសង្ស័យឈ្មោះ សុខ រស្មី ភេទ ស្រី អាយុ ២៤ឆ្នាំ ជនជាតិ ខ្មែរ មុខរបរ បុគ្គលិកខារ៉ាអូខេ ស្នាក់នៅបន្ទប់ជួល ភូមិ ៤ សង្កាត់លេខ ៤ ក្រុង-ខេត្តព្រះសីហនុ តាមការពិនិត្យទៅលើសពនារីរងគ្រោះ មានស្នាមរបួសដាច់រយះសាច់​បំពង់ក​ ១កន្លែង។ យោងតាមការសួរបំភ្លឺមិត្តភក្តិរបស់ស្រ្តីរងគ្រោះ និងប្អូនប្រុសជនសង្ស័យ សមត្ថកិច្ចធ្វើការសន្និដ្ឋានបានថាការស្លាប់របស់ជនរងគ្រោះ គឺបណ្ដាលមកពី ការអារបំពង់កសម្លាប់ ដោយគិតទុកជាមុន ៕ ប្រភព ៖ ឡេង ប៊ុននី រង្សី | RANGSEY REPORT