上丁桔井磅湛水位上涨预警 呼吁沿岸居民防范

សូមប្រយ័ត្ន! ក្រសួងធនធានទឹក ប្រកាសថា កម្ពស់ទឹកទន្លេមេគង្គ នឹងបន្តហក់ឡើងនៅស្ទឹងត្រែង ក្រចេះ និងកំពង់ចាម ក្នុង ៣-៤ថ្ងៃខាងមុខ ភ្នំពេញ៖ ក្រសួងធនធានទឹក និងឧតុនិយម បានជូនដំណឹងអំពីស្ថានភាពទឹកជំនន់ទន្លេមេគង្គ នៅក្នុងភូមិសាស្ត្រខេត្តស្ទឹងត្រែង ខេត្តក្រចេះ និងខេត្តកំពង់ចាម ដោយបានឱ្យដឹងថា កម្ពស់ទឹកទន្លេមេគង្គ នឹងបន្តហក់ឡើងក្នុងរយៈពេល ៣ ទៅ ៤ថ្ងៃខាងមុខ។ ក្រសួង បានអំពាវនាវឱ្យអាជ្ញាធរមូលដ្ឋាន និងប្រជាពលរដ្ឋដែលរស់នៅតាមដងទន្លេមេគង្គ ក្នុងតំបន់ដែលអាចប្រឈមនឹងការកើនឡើងនៃកម្ពស់ទឹក បង្កើនការប្រុងប្រយ័ត្ន និងតាមដានជាប្រចាំនូវស្ថានភាពទឹក ដើម្បីត្រៀមលក្ខណៈទប់ស្កាត់ និងឆ្លើយតបឱ្យបានទាន់ពេលវេលា ប្រសិនបើស្ថានភាពទឹកមានការកើនឡើងខ្លាំង។ ក្រសួងធនធានទឹក នឹងបន្តតាមដានស្ថានភាពទឹក និងជូនដំណឹងដល់សាធារណជនជាបន្តបន្ទាប់ ដើម្បីឱ្យប្រជាពលរដ្ឋបានត្រៀមខ្លួន និងមានការប្រុងប្រយ័ត្នខ្ពស់ចំពោះហានិភ័យដែលអាចកើតមានពីទឹកជំនន់។