皇家金边大学化学系举办数字教学研讨会 推广FEF框架

សិក្ខាសាលាស្តីពីការចែករំលែកចំណេះដឹងអំពីការប្រើប្រាស់ឧបករណ៍ឌីជីថល សម្រាប់ការរៀន និងបង្រៀនតាមកម្មវិធីសិក្សាស្របតាមក្របខណ្ឌអប់រំបែបអនាគតផល (FEF-for-OBE) សាកលវិទ្យាល័យភូមិន្ទភ្នំពេញ៖ នាថ្ងៃទី២៩ ខែសីហា ឆ្នាំ២០២៦ នៅមជ្ឈមណ្ឌលបណ្ដុះបណ្ដាលធុរកិច្ចថ្មីនៃកម្ពុជា (NICC) ដេប៉ាតឺម៉ង់គីមី បានរៀបចំសិក្ខាសាលាស្តីពី «ការចែករំលែកចំណេះដឹងស្ដីអំពីការប្រើប្រាស់ឧបករណ៍ឌីជីថលសម្រាប់ការរៀន និងបង្រៀននៃកម្មវិធីសិក្សាស្របតាមក្របខណ្ឌអប់រំបែបអនាគតផល» (Sharing Knowledge of Using Digital Tools for Enhancing Teaching and Learning in FEF-for-OBE Curriculum) ក្រោមការឧបត្ថម្ភដោយ គម្រោង HIEP2។ សិក្ខាសាលានេះ មានគោលបំណងសំខាន់ៗដូចជា៖ ចែករំលែកបទពិសោធន៍ និងការអនុវត្តប្រកបដោយប្រសិទ្ធភាព ក្នុងការប្រើប្រាស់ឧបករណ៍ឌីជីថល សម្រាប់គាំទ្រការអនុវត្តការបង្រៀន និងការរៀនក្នុងមុខវិជ្ជានានា។ ការណែនាំសិក្ខាកាមអំពីការប្រើប្រាស់ឧបករណ៍ឌីជីថល សម្រាប់ការគ្រប់គ្រងមុខវិជ្ជា ការវាយតម្លៃ និងការរក្សាទុកភស្តុតាងប្រកបដោយប្រសិទ្ធភាព។ ជាលទ្ធផល សិក្ខាកាមបានទទួលនូវចំណេះដឹង និងជំនាញបន្ថែមក្នុងការប្រើប្រាស់ឧបករណ៍ឌីជីថលរបស់ Microsoft ដូចជា Microsoft Teams, Microsoft Forms និង OneDrive សម្រាប់គាំទ្រការគ្រប់គ្រងមុខវិជ្ជាបង្រៀន ការវាយតម្លៃសិក្សា និងការរៀបចំរក្សាទុកភស្តុតាងឌីជីថលឱ្យកាន់តែមានប្រសិទ្ធភាព។ សិក្ខាសាលានេះ គឺជាឱកាសដ៏មានសារៈសំខាន់ក្នុងការលើកកម្ពស់សមត្ថភាពឌីជីថលរបស់សាស្ត្រាចារ្យ និងជំរុញការប្រើប្រាស់បច្ចេកវិទ្យាឌីជីថលឱ្យកាន់តែមានប្រសិទ្ធភាពក្នុងការអនុវត្តកម្មវិធីសិក្សា និងការបង្រៀនស្របតាមក្របខណ្ឌ FEF-for-OBE។ #RUPP