洪森在磅湛省会见千余名基层官员

សម្តេចតេជោ ហ៊ុន សែន ជួបសំណេះសំណាលមន្ត្រីមូលដ្ឋានខេត្តកំពង់ចាមជាង ១ពាន់នាក់ កំពង់ចាម៖ នៅព្រឹកថ្ងៃសៅរ៍ ទី២៥ ខែមេសា ឆ្នាំ២០២៦នេះ សម្តេចតេជោ ហ៊ុន សែន ប្រមុខរដ្ឋស្តីទី បានអញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តកំពង់ចាម សរុបចំនួន ១,១៩៣នាក់។ កម្មវិធីជួបសំណេះសំណាលនេះ ត្រូវបានចាត់ទុកថា ជាវេលាដ៏មានសារៈសំខាន់ សម្រាប់សម្តេចតេជោ ក្នុងការក្រើនរំលឹក និងជំរុញដល់មន្ត្រីនៅមូលដ្ឋាន ឱ្យបង្កើនការយកចិត្តទុកដាក់លើភារកិច្ចជាដែនសមត្ថកិច្ចរបស់ខ្លួន។ ជាពិសេស គឺការផ្តល់សេវាសាធារណៈជូនប្រជាពលរដ្ឋ ឱ្យបានល្អប្រសើរ និងការដោះស្រាយបញ្ហានានា ដែលជាក្តីកង្វល់របស់ប្រជាពលរដ្ឋនៅមូលដ្ឋាន ឱ្យមានប្រសិទ្ធភាព និងទាន់ពេលវេលា៕