柬埔寨男排在SEA V-Cup 2026小组赛中以小组第二身

ក្រុមបាល់ទះជម្រើសជាតិកម្ពុជា នឹងត្រូវជួប​ក្រុមជម្រើសជាតិថៃ ក្នុងវគ្គពាក់កណ្ដាលផ្ដាច់ព្រ័ត្រ នៃពានរង្វាន់ SEA V-Cup 2026 ជើងទី១ ក្រោយក្រុមខ្លាំងឥណ្ឌូនេស៊ី បានយកឈ្នះក្រុមម្ចាស់ផ្ទះហ្វីលីពីន ៣-០សិត ។ លទ្ធផលជំនួបបញ្ចប់ពូលA នេះ នាំឲ្យកម្ពុជា ឈរលេខ២ ក្នុងពូល ខណៈឥណ្ឌូនេស៊ី ឈរកំពូលតារាង ដឹកដៃគ្នាឡើងវគ្គពាក់កណ្ដាលផ្ដាច់ព្រ័ត្រ ដោយត្រូវជួបប្រកួតខ្វែងពូល ទល់នឹងបេក្ខភាពពូលB ក្នុងនោះឥណ្ឌូនេស៊ី ត្រូវជួបក្រុមឈរលេខ២ វៀតណាម និងកម្ពុជា ត្រូវជួបថៃ ដែលឈរលេខ១ ពូលB។ វគ្គពាក់កណ្ដាលផ្ដាច់ព្រ័ត្រ ជើងទី១ នៃពានរង្វាន់បាល់ទះប្រចាំតំបន់ ដែលហ្វីលីពីន ធ្វើម្ចាស់ផ្ទះនេះ នឹងធ្វើឡើងនាល្ងាចថ្ងៃទី១៨ ខែកក្កដាស្អែក មុនឈានដល់ការប្រកួតវគ្គផ្ដាច់ព្រ័ត្រនៅថ្ងៃបន្ទាប់៕